Թուրք-սիրիական հարաբերությունների կարգավորման քննարկումներ Աստանայում

Քաղաքական11:13, 26 Հունիս 2023

Թուրք-սիրիական հարաբերությունների կարգավորման քննարկումներ Աստանայում

Ղազախստանի մայրաքաղաք Աստանայում փոխարտգործնախարարների մակարդակով հանդիպումներ են տեղի ունեցել Սիրիայի, Ռուսաստանի, Իրանի և Թուրքիայի միջև:

Օրակարգում եղել են ահաբեկչության դեմ պայքարի, միգրանտների անվտանգության վերաբեյալ կողմերի համագործակցության հարցեր:

Բացի այդ քննարկումներ են եղել Սիրիա-Թուրքիա հարաբերությունների կարգավորման, Սիրիայի տարածքում ահաբեկչական խմբավորումների դեմ պայքարի և Սիրիայի փախստականներին իրենց բնակության վայրեր վերադարձնելու վերաբերյալ:

Նշենք, որ երկու պետությունների հարաբերությունների կարգավորման նպատակով հանդիպումները նախ տեղի էին ունենում եռակողմ՝ առանց Իրանի մասնակցության, որին հաջորդել էր ապրիլի 3-ից 4-ը Մոսկվայում արտգործնախարարների մակարդակով քառակողմ հանդիպումը՝ արդեն նաև Իրանի մասնակցությամբ:

Իսկ ավելի ուշ՝ ապրիլի 25-ին, հանդիպել էին Թուրքիայի և Սիրիայի պաշտպանության նախարարներն ու հետախուզության պետերը:

Կողմերի միջև վերջին հանդիպումը տեղի է ունեցել մայիսի 10-ին արտգործնախարարների մակարդակով, որտեղ որոշում էր կայացվել Անկարայի և Դամասկոսի միջև հարաբերությունների կարգավորման նպատակով ստեղծել քառակողմ կոմիտե՝ որին պետք է ներգրավվեին 4 երկրների փոխարգործանախարարները, ինչպես նաև պաշտպանության նախարարության և հետախուզության ներկայացուցիչները:

Աղբյուր` yeniasir.com.tr