Թուրք պաշտոնաթող գեներալ. «ՆԱՏՕ-ն Թուրքիայի բարեկամը չէ, այլ՝ թշնամին»

Ռազմական12:51, 17 Հուլիս 2023

Թուրք պաշտոնաթող գեներալ. «ՆԱՏՕ-ն Թուրքիայի բարեկամը չէ, այլ՝ թշնամին»

Թուրքական լայն շրջանակներում մեծ արձագանք է գտել Հյուսիատլանտյան դաշինքի (ՆԱՏՕ-NATO) հերթական ընդլայման թեման:

Այդ թեմային անդրադարձել է պաշտոնաթող թուրք գեներալ Ֆարի Էրենելը։ Նրա կարծիքով՝ հետզհետե ընդլայնվող ՆԱՏՕ-ն քայլ առ քայլ գնում է դեպի Էֆթանազիա (ինքնակամ մահվան համաձայնություն՝ ցավերից և տառապանքից ազատելվու համար):

Գեներալը նշել է, որ դաշինքը Թուրքիայի բարեկամը չէ, այլ՝ թշնամին և հավելել. «Թուրքիան չպետք է մաս կազմի Ռուսաստանի դեմ դուրս գալու ամերիկյան քաղաքականությանը»:

Էրենելից բացի, ՆԱՏՕ-ի հնարավոր ընդլայնման մասին բացասական կարծիք են հայտնել նաև մի շարք թուրք փորձագետներ՝ ընդգծելով, որ այն չի բխում Թուրքիայի ազգային շահերից:

Նշենք, որ օրերս ԱՄՆ ազգային անվտանգության հարցերով խորհրդական Ջեյք Սալիվանը ամերիկյան «ABC News» հեռուստաալիքին տված հարցազրույցում անդրադարձել էր ՆԱՏՕ-ին Ուկրաինայի հնարավոր անդամակցության հարցին:

Սալիվանը նշել էր, որ Ուկրաինայի ապագան ՆԱՏՕ-ում է և դրա համար բանակցությունների կարիք չկա:

«Ինչ-որ մի կետում այն իրականություն է դառնալու»,-հավելել էր ամերիկացի խորհրդականը:

Իսկ ավելի վաղ թեմային անդրադարձ էր կատարվել հուլիսի 11-12-ը Վիլնյուսում տեղի ունեցած ՆԱՏՕ-ի անդամ երկրների ղեկավարների գագաթնաժողովում, որտեղ հստակ նշվել էր, որ քանի դեռ Ուկրաինան պատերազմի մեջ է, ՆԱՏՕ-ի անդամ դառնալ չի կարող:

Աղբյուր` aydinlik.com.tr