Հունական թերթը Թուրքիայից եկող վտանգի ֆոնին կոչ է անում իշխանություններին ուժեղացնել Էգեյան կղզիների պաշտպանությունը

Ռազմական12:03, 07 Օգոստոս 2023

Հունական թերթը Թուրքիայից եկող վտանգի ֆոնին կոչ է անում իշխանություններին ուժեղացնել Էգեյան կղզիների պաշտպանությունը

Էգեյան կղզիների հարցում Թուրքիայի ռազմատենչ քաղաքականության, ռազմաշունչ հռետորաբանության համատեքստում հունական իշխանամետ «Pentapostagma» պարբերականը կոչ է անում Հունաստանի իշխանություններին ուժեղացնել Աթենքի վերահսկողության տակ գտնվող կղզիների պաշտպանությունը:

Թերթը նշում է, որ Թուրքիան իր սպառազինությունում ունի «Kasırga», «Yıldırım», «Bora», «Tayfun» հրթիռային համակարգերը, որոնք վտանգ են ներկայացնում հունական կղզիների համար: Ըստ թերթի՝ վերոնշյալ համակարգերը համապատասխանաբար ունեն 100կմ, 150կմ, 300կմ, 1000կմ հեռահարություն։

Ըստ հունական վերոնշյալ թերթի, եթե Թուրքիան պայմանական կիրառի այդ հրթիռային համակարգերը կարող է Էգեյան ծովը «բաժանել ուղիղ երկու մասի»:

Թերթը նշում է, որ արտաքին վտանգի դեպքում Կիպրոսի ռազմաբազայում սուզանավի և ֆրեգատի (պահակային ծառայության ռազմանավ) առկայությունը կարող են լինել որպես զսպող հանգամանք։

Հունական թերթը հայտարարել է, որ Թուրքիան ուժեղանում է և կոչ է արել Հունաստանի ղեկավարությանը անհապաղ գործել․ «Պետք է Հունաստանը արագ որոշումներ կայացնի և հնարավորինս արագ շտկի իրավիճակը»։

«Pentapostagma»-ն նաև նշում է, որ 53 տարի անց հունական ստորաբաժանման կրկին մեկնումը Նիկոսիայի մերձակայք միանշանակ ուժեղ անհանգստություն կառաջացնի Անկարայում։

Աղբյուր` aksam.com.tr