Թուրքիայից ԱՄԷ արտահանման ծավալներն աճել են

Տնտեսական15:03, 08 Օգոստոս 2023

Թուրքիայից ԱՄԷ արտահանման ծավալներն աճել են

Թուրքիայի և Արաբական Միացյալ Էմիրությունների (ԱՄԷ) հարաբերությունները վերջին երկու տարիներին ընդլայնվում են:

Թուրքիայի արտահանողների խորհրդի (TIM) տվյալների համաձայն` 2023-ի առաջին 7 ամիսներին անցյալ տարվա նույն ժամանակահատվածի համեմատ Թուրքիայից ԱՄԷ արտահանման ծավալներն աճել են 30․9%-ով՝ հասնելով 2 մլրդ 460մլն-ի։

ԱՄԷ արտահանվող ապրանքների մեջ գերակշռում են ոսկյա իրերը: 7 ամսում ԱՄԷ է արտահանվել 971մլն 286․000 դոլար արժողությամբ ոսկյա իր։

Նախորդ տարվա նույն ժամանակահատվածի համեմատ ոսկյա իրերի արտահանումն աճել է 420մլն 916․000 դոլարով։ Դրան հաջորդում է քիմարտադրանքը, էլեկտրաեներգիան, էլեկտրոնիկան, հացահատիկը, ընդեղենը և այլն։

Հիշեցնենք, որ անցյալ ամիս Թուրքիայի նախագահ Ռեջեփ Թայիփ Էրդողանի ԱՄԷ կատարած այցի շրջանակներում ստորագրվել էր համաձայնագիր, որով ընդհանուր ԱՄԷ-ից Թուրքիա ներդրումների ծավալը կազմում էր 50,7 մլրդ դոլար:

Աղբյուր` trthaber.com