Թուրքիայի ռազմարդյունաբերությունը նպատակ ունի արտահանման ծավալները հասցնել 10 մլրդ դոլարի

Ռազմական16:39, 13 Սեպտեմբեր 2023

Թուրքիայի ռազմարդյունաբերությունը նպատակ ունի արտահանման ծավալները հասցնել 10 մլրդ դոլարի

Ամերիկյան առաջատար վերլուծական կենտրոններից մեկը՝ «Ատլանտյան խորհուրդը», հոդված է հրապարակել Թուրքիայի պաշտպանական արդյունաբերության վերաբերյալ։ Փաստվում է, որ վերջին 20 տարում Թուրքիայի ռազմարդյունաբերությունը զգալիորեն աճել է։

2021-ին Թուրքիայի պաշտպանական արդյունաբերության արտահանումը կազմել է 3 մլրդ 200 մլն դոլար, իսկ 2022-ին, գրանցելով 36 տոկոսանոց աճ, կազմել է 4 մլրդ 300 մլն դոլար։ Նպատակ է դրվել հնարավորինս կարճ ժամանակահատվածում այդ ցուցանիշը հասցնել 10 մլրդ դոլարի։

Ըստ հրապարակված հոդվածի՝ 2018-2022-ի ընթացքում Թուրքիայի պաշտպանական արդյունաբերության արտադրանքի ամենամեծ սպառողները եղել են Սաուդյան Արաբիան, Կատարը, Քուվեյթը, Օմանը և Արաբական Միացյալ Էմիրությունները (ԱՄԷ)։

Նշվում է, որ 2014-ից հետո տարածաշրջանում Թուրքիայի գլխավոր դաշնակից Կատարը Ծոցի երկրներից առաջինն է, որը Թուրքիայից գնել է «TB2» անօդաչու թռչող սարք։ Միևնույն ժամանակ նշվում է, որ Թուրքիայից ամենաշատ ռազմական համակարգեր ձեռք բերած երկրները եղել են Սաուդյան Արաբիան և ԱՄԷ-ն։ Օմանը թուրքերից գնել է զրահամեքենա, իսկ Քուվեյթը «TB2» անօդաչու թռչող սարքերի վաճառքի վերաբերյալ պայմանավորվածություն է ձեռք է բերել։

Հիշատակելով Էկվադորին՝ նշվում է, որ այս երկիրը ձեռք է բերել թուրքական «Otokar» ընկերության կողմից արտադրված «Kobra II» մարտավարական անվավոր զրահամեքենաներ, իսկ հոկտեմբերին նախատեսվում է սպառազինությունը համալրել «Ուրալ» տեսակի 15 մարտավարական մեքենաներով։

Աղբյուր` trthaber.com