Թուրքական «Bayraktar»-ները կրկին Արցախի երկնքում են (տեսանյութ)

Ռազմական20:10, 19 Սեպտեմբեր 2023

Թուրքական «Bayraktar»-ները կրկին Արցախի երկնքում են (տեսանյութ)

Սեպտմեբերի 19-ին Ադրբեջանի զինված ուժերը լայնածավալ հարձակման են անցել Արցախի (Լեռնային Ղարաբաղ) շփման գծի ողջ երկայնքով: Այսպիսով Ադրբեջանը կոպտորեն խախտել է նոյեմբերի 9-ի եռակողմ համաձայնագրով ստանձնած իր պարտավորությունները:

Հարձակումը ադրբեջանական կողմը որակում է իբրև «հակահաբեկչական գործողություն»՝ միայն «զինված խմբավորումների» և ռազմական օբյեկտների դեմ:

Սակայն ի հակառակ այս պնդումների՝ սոցցանցերում հրապարակված բազմաթիվ տեսանյութեր փաստում են, որ Ադրբեջանը թիրախավորում է խաղաղ բնակչությանն ու քաղաքացիական ենթակառուցվածքները:

Ռազմական գործողությունների ընթացքում Ադրբեջանը կիրառում է նաև թուրքական արտադրության «Bayraktar TB2» տիպի հարվածային անօդաչու թռչող սարքեր (ԱԹՍ):

Նշենք, որ Թուրքիայի նախագահ Ռեջեփ Թայիփ Էրդողանի փեսային՝ Սելչուք Բայրաքթարին պատկանող թուրքական ռազմարդյունաբերական «Baykar» ընկերության հարվածային ԱԹՍ-ներն Արցախում կիրառվել էին նաև 2020-ին՝ արցախյան 2-րդ պատերազմի ընթացքում:

Աղբյուր` Ermenihaber.am