Թուրքիան բնական գազ կմատակարարի Ռումինիային

Տնտեսական12:44, 27 Սեպտեմբեր 2023

Թուրքիան բնական գազ կմատակարարի Ռումինիային

Թուրքիայի պետական սեփականություն հանդիսացող նավթագազային խոշոր կորպորացիան՝ «BOTAŞ»-ը, հայտնել է, որ պայմանագիր է կնքել Ռումինիայի տարածաշրջանային խոշոր էներգետիկ ընկերություններից մեկի՝ «OVM Petrom»-ի հետ։

Պայմանագրի համաձայն՝ հոկտեմբերի 1-ից կսկսվի խողովակաշարով բնական գազի արտահանումը Թուրքիայից Ռումինիա։ Պայմանագիրը կգործի մինչև 2025-ի մարտի 31-ը և օրական 4 մլն խորանարդ մետր բնական գազ կմատակարվի Ռումինիա։

Կողմերը պայմանավորվածություն են ձեռք բերել նաև համագործակցությունը զարգացնել էլեկտրաէներգիայի փոխանցման, պահպանման, արտադրության և կանաչ էներգիայի տեխնոլոգիաների ոլորտում։

Նշվում է, որ «BOTAŞ»-ը մտադիր է առաջիկա 3 տարում հայտնվել Թուրքիայի 10 լավագույն արտահանող ընկերությունների շարքում։

Հիշեցնենք, որ նավթագազային վերոնշյալ կորպորացիան 2023-ին տարածաշրջանի երկրներից Հունաստանի, Բուլղարիայի և ոչ սահմանակից Հունգարիայի հետ բնական գազի արտահանման պայմանագրեր էր կնքել։

Աղբյուր` sozcu.com.tr