Ըստ թուրքական մամուլի՝ Հունաստանը դադարեցրել է Թուրքիային մոտ գնվող կղզիների ռազմականացումը

Քաղաքական10:06, 04 Հոկտեմբեր 2023

Ըստ թուրքական մամուլի՝ Հունաստանը դադարեցրել է Թուրքիային մոտ գնվող կղզիների ռազմականացումը

Թուրքական մամուլում շրջանառվող տեղեկությունների համաձայն՝ Թուրքիայի և Հունաստանի միջև առկա խնդիրների լուծման տեսանկյունից դրական տեղաշարժ կա:

Պնդում կա, որ այն սեպտեմբերին երկու երկրների ղեկավարների միջև տեղի ունեցած հանդիպման արդյունքն է:

Մասնավորապես թուրքական մեդիան, հղում անելով իր աղբյուրներին, գրում է, որ Հունաստանը դադարեցրել է Թուրքիային մոտ գնվող կղզիների ռազմականացման գործընացը և այլևս զենք-զինաթմերք չի ուղարկում այնտեղ:

Բացի այդ նշվում է, որ կղզիների վիճահարույց խնդրի վերջնական կարգավորման շուրջ առաջիկայում դրական հանդիպումներ են սպասվում:

Նշենք, որ երկար տարիներ՝ դեռևս Լոզանի կոնֆերասից (1922-1923) ի վեր, Թուրքիայի և Հունաստանի միջև Էգեյան ծովում գտնվող մի շարք կղզիների կարգավիճակի ու անվան հարցը մնում է չհստակեցված: Դրանք թվով շուրջ 152-ն են:

Թուրքական մեդիայում հիշայլ խնդիրը որակվում է որպես երկու երկրների միջև առկա լուրջ և բարդ օրակարգ ունեցող խնդիր: