Քաղաքական18:08, 11 Հոկտեմբեր 2023
Al-Jazeera. «Իսրայել-Պաղեստին հակամարտությունում Թուրքիան և Կատարը կարող են ստանձնել միջնորդի դեր»
Ամբողջ աշխարհը համակ ուշադրությամբ հետևում է իսրայելա-պաղեստինյան հակամարտությանը։ Շատ երկրներ և առաջնորդներ տարածաշրջանում լարվածությունը նվազեցնելու ուղղությամբ տանում են ակտիվ դիվանագիտական աշխատանք, ինչին և անդրադարձել է հեղինակավոր «Al-Jazeera» լրատվամիջոցը։
Նշելով, թե ո՞ր միջազգային դերակատարները կարող են ստանձնել միջնորդի դեր իսրայելա-պաղեստինյան հակամարտությունում՝ Կատարի համալսարանի Պարսից ծոցի ուսումնասիրությունների կենտրոնի տնօրեն պրոֆեսոր Մահջուբ Զվեիրին ասել է, որ խաղաղ բանակցությունների մասին դեռ վաղ է խոսել, սակայն միջնորդությունը հնարավոր կլինի միայն այն դեպքում, երբ երկու կողմերն էլ պատրաստ լինեն բանակցել։ Պրոֆեսորը նշել է, որ եթե բանակցություններ սկսվեն, Կատարը և Թուրքիան կարող են հանդես գալ միջնորդի դերում։
Նրա խոսքով՝ երկու երկրները կարող են ակտիվ դեր խաղալ, քանի որ և՛ Իսրայելի, և՛ «ՀԱՄԱՍ»-ի հետ շփման մեջ են ու պետք է դիտարկել թե ո՞վ կարող է խոսել երկու կողմերի հետ։ Միևնույն ժամանակ նշել է, որ Արաբական Լիգան, Չինաստանը, Ռուսաստանը, Եգիպտոսը, ՄԱԿ-ը և Իրանը նույնպես կարող են ակտիվ դեր ստանձնել խաղաղ բանակցություններում։
Հիշեցնենք, որ Թուրրքիայի նախագահ Ռեջեփ Թայիփ Էրդողանը թե՛ Գազայի հատվածում իշխող «ՀԱՄԱՍ» խմբավորմանը և թե՛ Իսրայելին կոչ էր արել դադարեցնել բռնությունը և առաջարկել Թուրքիայի միջնորդությունը։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |