Թուրքիայի ԱԳՆ-ն ԵԽԽՎ-ի՝ Օսման Քավալայի մասին որոշումը «պատմական սխալ» է որակել

Քաղաքական16:04, 13 Հոկտեմբեր 2023

Թուրքիայի ԱԳՆ-ն ԵԽԽՎ-ի՝ Օսման Քավալայի մասին որոշումը «պատմական սխալ» է որակել

Թուրքիայի արտգործնախարարությունը հաղորդագրություն է տարածել ի պատասխան հոկտեմբերի 12-ին Թուրքիայի վերաբերյալ Եվրոպայի խորհրդի Խորհրդարանական վեհաժողովի (ԵԽԽՎ) կողմից ընդունված որոշման։

Հաղորդագրության մեջ մասնավորապես ասվում է․ «Նման փորձով ԵԽԽՎ-ն փորձում է օգտագործել դատական գործընթացները քաղաքականության համար և փակել երկխոսության ուղիները։ Սա դեմ է ԵԽԽՎ-ի գոյության պատճառ հանդիսացած ժողովրդավարական արժեքներին։ ԵԽԽՎ-ի իրեն ի ցույց դնելու այս անխոհեմությունը ապագայում ամոթով է հիշվելու»։

Թուրքիայի ԱԳՆ-ն ԵԽԽՎ-ի որոշումը «պատմական սխալ» է որակել։

Նշենք, որ հոկտեմբերի 12-ին ԵԽԽՎ-ն ընդունել է զեկույց, որով կոչ է արվում անհապաղ ազատ արձակել կալանավորված թուրք գործարար Օսման Քավալային, ինչպես նաև ընդունել բանաձև, որը նախատեսում է պատժամիջոցներ սահմանել այն թուրք պաշտոնյաների նկատմամբ, ովքեր կապ են ունեցել Քավալային չազատելու գործում։

Զեկույցն ընդունվել է 44 դեմ ձայնով։

Աղբյուր` aa.tr