Թուրքիայի և Հունաստանի նախագահները քննարկել են պաղեստինա-իսրայելական բախումները

Քաղաքական09:15, 17 Հոկտեմբեր 2023

Թուրքիայի և Հունաստանի նախագահները քննարկել են պաղեստինա-իսրայելական բախումները

Հոկտեմբերի 16-ին Թուրքիայի նապագահ Ռեջեփ Թայիփ Էրդողանը հեռախոսազրույց է ունեցել Հունաստանի նախագահ Կիրյակոս Միցոտակիսի հետ:

Թուրքիայի հանրային կապերի վարչության տարածած հաղորդագրության համաձայն՝ հեռախոսազրույցի ընթացքում կողմերը քննարկել են Իսրայելի և Պաղեստինի միջև տեղի ունեցող բախումներին ու մասնավորապես տարածաշրջանում մարդու իրավունքների խախտումներին վերաբերող հարցեր:

Էրդողանը նշելով, որ հիշյալ հակամարտությունը տարածաշրջանի և ամբողջ աշխարհի վրա կարող է շատ վատ հետևանքներ ունենալ, ընդգծել է, որ Թուրքիան շարունակելու է գործունեություն ծավալել հիշյալ հակամարտությանը վերջ տալու համար:

Նա նաև անհրաժեշտ է համարել, որ նաև աշխարհը ուղերձներ հղի և ջանքեր գործադրի այդ առումով:

«Ոչ թե աճող արձագանքները, այլ նվազող քայլերը մեկ պահ առաջ ավելացնելն է ճիշտ»,-ասել է Թուրքիայի նախագահը:

Հիշեցնենք, որ Գազայի հատվածում իշխող «ՀԱՄԱՍ» խմբավորումը հոկտեմբերի 7-ին էր լայնամասշտաբ հարձակման անցել Իսրայելի ուղղությամբ: Ինչից հետո հայտարարվել էր երկուստեք ռազմագործողության իրականացման մասին:

Այժմ Իսրայել պատրաստվում է իրականացնել ցամաքային ռազմագործողություն, ինչի համար հորդորել էր Գազայի բնակչությանը հյուսիսից տեղափոխվել քաղաքի հարավային շրջաններ:

Բախումների հետևանքով Իսրայելը հայտնում է 1400, իսկ Պաղեստինը 2750 մարդու մահվան մասին: Վիրավորների ընդհանուր թիվը կազմում է շուրջ 11.000, որից միայն 9.750-ը վիրավորվել են Պաղեստինում:

Աղբյուր` tr.al-ain.com