Թուրքիան զորավարժություններ կանցկացնի արևելյան Միջերկրականում

Ռազմական13:13, 17 Հոկտեմբեր 2023

Թուրքիան զորավարժություններ կանցկացնի արևելյան Միջերկրականում

Թուրքիան հոկտոմբերի 16-20-ը «NAVTEX»-ի շրջանականերում արևելյան Միջերկրական ծովում կանցկացնի զորավարժություններ։

Զորավարժություններին անդրադարձել է հունական մամուլը, «Kathimerini» թերթում այն մեկնաբանվել է որպես «անակնկալ»:

Մասնավորապես նշվում է, որ Անկարան անսպասելիորեն հայտարարել է, որ Կիպրոսի ափերի մոտ անցկացնելու է ծովային զորավարժություններ, մասնավորապես կրակային վարժանք։

Նշվում է նաև, որ զորավարժություններն արվում են ի պատասխան նրան, որ ԱՄՆ-ն երկու ավիակիր է ուղարկել արևելյան Միջերկրական ծով՝ Իսրայելին աջակցելու համար։

Մատնանշվում է, որ այս քայլով Թուրքիան ուղերձ է հղում՝ասելով, որ իրենք ներկա են նաև արևելյան Միջերկրականում։

Բացի այդ հունական թերթը գրում է, որ Թուրքիայի նախագահ Ռեջեփ Թայիփ Էրդողանը շարունակում է Գազայի վերաբերյալ իր դիվանագիտական նախաձեռնությունները։ Հատկապես նշվում է, որ Էրդողանը հեռախոսազրույց է ունեցել Հունաստանի վարչապետ Կիրիակոս Միցոտակիսի, Մեծ Բրիտանիայի վարչապետ Ռիշի Սունակի, Իրանի նախագահ Իբրահիմ Ռայիսիի հետ, իսկ արտգործնախարար Հաքան Ֆիդանը պաշտոնական այցով մեկնում է Լիբանան։

Աղբյուր` ensonhaber.com