Յաշար Գյուլեր․ «Թուրքիայի և Հունաստանի միջև վստահության բարձրացման միջոցառումներն անցնում են դրական մթնոլորտում»

Ռազմական17:35, 15 Նոյեմբեր 2023

Յաշար Գյուլեր․ «Թուրքիայի և Հունաստանի միջև վստահության բարձրացման միջոցառումներն անցնում են դրական մթնոլորտում»

Թուրքիայի պաշտպանության նախարար Յաշար Գյուլերը իշխող «Արդարություն և զարգացում» կուսակցության (ԱԶԿ-AKP) խորհրդարանական խմբակցության հետ կայացած հանդիպումից առաջ պատասխանել է լրագրողների հարցերին։

Պատասխանելով F-16 կործանիչների վերաբերյալ հարցին՝ նշել է, որ F-16 կործանիչների գործարքը շարունակվում է և եթե դրա հետ կապված զարգացումներ լինեն, հանրությունը կտեղեկացվի։

Անդրադառնալով Թուրքիայի և Հունաստանի միջև Անկարայում կայացած «Վստահության բարձրացման միջոցառումներին»՝ Յաշար Գյուլերը նշել է, որ հանդիպումներն անցնում են դրական մթնոլորտում և ծրագրեր են կազմվում հաջորդ հանդիպման համար։

Հիշեցնենք, որ Թուրքիայի և Հունաստանի միջև «Վստահության բարձրացման միջոցառումների» խորագրով կազմակերպվելիք թվով 4-րդ հանդիպումը կայացել է Թուրքիայի պաշտպանական գերատեսչության շենքում նոյեմբերի 13-ին։

Աղբյուր` Ermenihaber.am