Քաղաքական12:07, 21 Նոյեմբեր 2023
Թուրքիայի արտգործնախարարը չի մասնակցել Չինաստանում Գազայի հարցի քննարկմանը
Նոյեմբերի 21-ին Սաուդյան Արաբիայի, Հորդանանի, Ինդոնեզիայի, Նիգերիայի և Պաղեստինի արտգործնախարարներից և Իսլամական համագործակցության կազմակերպության (ԻՀԿ) գլխավոր քարտուղարից կազմված պատվիրակությունը կլինի՝ ՄԱԿ-ի անվտանգության խորհրդի մշտական հինգ անդամ երկրներից Չինաստանում՝ Գազայում հումանիտար ճգնաժամը կանխելու նպատակով։
Նշվում է, որ հանդիպմանը պետք է նաև մասնակցեր Թուրքիայի արտգործնախարար Հաքան Ֆիդանը, բայց չի կարողացել, քանի որ մասնկացել է Թուրքիայի Ազգային մեծ ժողովի պլանավորման և բյուջետային հանձնաժողովի քննարկումներին։
Չինաստանից հետո պատվիրակությունը բանակցություններ կանցկացնի ՌԴ մայրաքաղաք Մոսկվայում, իսկ հետո Անգլիայում և Ֆրանսիայում, իսկ ավելի ուշ ԱՄՆ-ում։
Ինչպես նաև նշվում է, որ Ֆիդանը չի կարողանա հանդիպել պատվիրակության հետ Մոսկվայում, քանի որ ուղեկցելու է նախագահ Ռեջեփ Թայիփ Էրդողանին նախապես ծրագրված Ալժիր այցին, որի շրջանակներում կքննարկեն Գազի հետ կապված հարցեր։
Աղբյուրի նշմամբ, Ֆիդանը նոյեմբերի 22-ին Լոնդոնում և Փարիզում կհանդիպի ԻՀԿ-ի և Արաբական լիգայի երկրների արտգործնախարարների հետ, ինչպես նաև Մեծ Բրիտանիայի վարչապետ Ռիշի Սունակի և Ֆրանսիայի նախագահ Էմանուել Մակրոնի հետ։
Նոյեմբերի 11-ին Էր-Ռիյադում կայացած ԻՀԿ-ի և Արաբական երկրների լիգայի համատեղ գագաթնաժողովում Թուրքիայի կողմից ընդունված այս որոշման համաձայն՝ պատվիրակությունը նպատակ ունի կապ հաստատել ՄԱԿ-ի ԱԽ-ի երկրների ղեկավարների հետ, որոնք ազդեցություն ունեն Իսրայելում՝ ապահովելու անհապաղ զինադադար և մարդասիրական օգնության անխափան առաքում Գազա։
Հանդիպման ընթացքում կողմերը ընդգծել են, որ միջազգային հանրությունը պետք է անհապաղ միջոցներ ձեռնարկի և արդյունավետ ու հուսալի միջոցների դիմի Գազայում շարունակվող հումանիտար աղետը կանխելու համար։
Չինաստանը ստանձնել է ՄԱԿ-ի ԱԽ-ի ժամկետային նախագահությունը նոյեմբերին, և Չինաստանի արտգործնախախարը նշել է, որ խորհուրդը որոշումը ստորագրել է Չինաստանի նախագահության ժամանակ՝ կոչ անելով բոլոր կողմերին պահպանել միջազգային իրավունքը և միջազգային մարդասիրական իրավունքը և պահանջել հակամարտությունների հումանիտար դադար և մարդասիրական օգնության միջանցքների ստեղծում։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |