Թուրքիայի նախագահը մեկնում է Ալժիր

Քաղաքական11:11, 21 Նոյեմբեր 2023

Թուրքիայի նախագահը մեկնում է Ալժիր

Նոյեմբերի 21-ին Թուրքիայի նախագահ Ռեջեփ Թայի Էրդողանն կայցելի Ալժիր:

Էրդողանն Ալժիր է մեկնում՝ մասնակցելու երկու պետությունների միջև «Բարձր մակարդակի համագործակցության խորհրդի» 2-րդ նիստին:

Ինչպես հայտնում Թուրքիայի նախագահականի հանրային կապերի վարչությունը, նիստն անցկացվելու է Ալժիրի համանուն մայրաքաղաքում, որին բացի Թուրքիայի և Ալժիրի նախագահներից մասնակցելու են նաև երկկողմ համագործակցության մեջ ներգրավված գերատեսչությունների նախարարները:

Նշվում է, որ օրակարգում են երկկողմ համագործակցության խորացումը, դրա ուղղությամբ կատարվելիք քայլերը, ինչպես նաև վերջին շրջանում երկկողմ հարաբերությունների տեսանկյունից գրանցված առաջնընթացը:

Բացի այդ, կողմերը մտքեր են փոխանակելու Պաղեստինի Գազայի հատվածում տիրող իրավիճակի և տարածարջանային ու համաշխարհային մասշտաբներ ունեցող խնդիրների շուրջ:

Նախատեսվում է երկկողմ հարաբերությունների զարգացմանը նպաստող մի շարք պայմանագրերի և համաձայնագրերի կնքում ևս:

Նշենք նաև, որ նոյեմբերի 21-ի գիշերը Թուրքիայի «Resmi Gazete» պաշտոնաթերթում հրապարակվել է Թուրքիա-Ալժիր հարաբերությունների և համագործակցության խորացման շրջանակներում կրթության ոլորտի վերաբերյալ նախապես երկու երկրների միջև կնքված համաձայնագիրը հաստատող օրենքի ընդունման մասին լուրը:

Պայմանագիրը ենթադրում է թուրքական դպրոցի հիմնում Ալժիրում:

Թուրքական մամուլում օրենքի ընդունումը որակվում է որպես կարևոր քայլ՝ նախքան հանդիպումը:

Աղբյուր` trthaber.com