Էրդողանը հեռախոսազրուց է ունեցել ՄԱԿ-ի գլխավոր քարտուղարի հետ

Քաղաքական09:02, 29 Նոյեմբեր 2023

Էրդողանը հեռախոսազրուց է ունեցել ՄԱԿ-ի գլխավոր քարտուղարի հետ

Թուրքիայի նախագահ Ռեջեփ Թայիփ Էրդողանը նոյեմբերի 28-ին հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ:

Ինչպես հայտնում է Թուրքիայի նախագահականի հանրային կապերի վարչությունը՝ հանդիպման ընթացքում կողմերը մտքեր են փոխանակել Պաղեստինի Գազայի հատվածում տիրող իրավիճակի, հումանտիտար ճգնաժամի լուծման առաջարկների և տարածաշրջանում տևական խաղաղության հասնելու վերաբերյալ:

Այս համատեքստում միջազգային հանրության կողմից իրականացվելիք քայլերը ևս եղել են հանդիպման օրակարգում:

Էրդողանն ընդգծել է, որ Իսրայելը շարունակում է խախտել միջազգային իրավունքը և նշել Իսրայելին պատասխանատվության ենթարկելու անհրաժեշտության մասին:

Թուրքիայի նախագահը նաև ցավակցել է Գազայի հատվածում ավելի քան 100 ՄԱԿ-ի աշխատակցի մահվան կապակցությամբ:

Գուտերեշի Եգիպտոսի և Գազայի միջև գտնվող Ռեֆահի անցակետ իրականացրած անձնական այցին անդրադառնալով՝ հայտնել է, որ այն դրական է եղել միջազգային հանրության ուշադրությունը տեղի ունեցողի վրա հրավիրելու տեսանկյունից:

Հիշեցնենք, որ նոյեմբերի 29-ին տեղի է ունենալու ՄԱԿ-ի անվտանգության խորհրդի հերթական նիստը, որի օրակարգում է Գազայի հատվածում տիրող իրավիճակը:

Աղբյուր` trthaber.com