Պատժամիջոցների տակ գտնվող ՌԴ-ն միկրոչիպեր է ներկրում Թուրքիայի ու Մարոկոյի նավահանգիստներով

Տնտեսական18:03, 21 Դեկտեմբեր 2023

Պատժամիջոցների տակ գտնվող ՌԴ-ն միկրոչիպեր է ներկրում Թուրքիայի ու Մարոկոյի նավահանգիստներով

Ռուսաստանն օգտագործել է Թուրքիայի ու Մարոկոյի նավահանգիստները տեխնոլոգիական սարքավորումների ներկրման համար։ Նման պնդում է առաջ է քաշել «New York Times»-ը՝ նշելով, որ այդ երկրներից նավահանգսիտներով Ռուսաստան է ներկրվել հեռահաղորդակցային սարքավորումներ և միկրոչիպեր։

Ըստ թերթի՝ տեղի է ունեցել ռուսական կառավարության էլեկտրոնային հասցեների միջոցով ուղարկված նամակների բովանդակության արտահոսք։

Նշվում է, որ սպառազինության համակարգերի միկրոչիպերը և անօդաչու թռչող սարքերն այժմ արդեն այնքան էլ դժվար չէ ձեռք բերել Ռուսաստանի համար:

Պարբերականը նշում է, որ Ուկրաինայում պատերազմից ի վեր՝ 22 ամիսների ընթացքում, Ռուսաստանը ուղիներ է գտել նման տեխնիկական սարքավորումներ ներկրելու համար՝ խուսափելով նաև պատժամիջոցներից։

Ըստ թերթի՝ մի շարք միջնորդների օգնությամբ Ռուսաստանն ապրանքներ է ստանում արևմտյան այնպիսի հայտնի ընկերություններից, ինչպիսիք են՝ «‎Cisco-ից», «‎HP»-ից, «‎Juniper»-ից, «Ericsson»-ից և «‎Nokia-ից»։

Պարբերականը նաև տեղեկացնում է, որ ռուսական «Nag» առցանց խանութը բարձր տեխնոլոգիական արտադրանք է գնել ԱՄՆ-ից 100 մլն դոլարով, իսկ Չինաստանից՝ 150 մլն դոլարով։

Աղբյուր` Cumhurriyet.com.tr