Իսրայելի ոստիկանությունը թուրքական նկարահանող խմբին թույլ չի տվել աշխատել

Տարածաշրջան10:01, 25 Դեկտեմբեր 2023

Իսրայելի ոստիկանությունը թուրքական նկարահանող խմբին թույլ չի տվել աշխատել

Դեկտեմբերի 22-ին Թուրքիայի պետական «TRT Haber» հեռուստաալիքի նկարահանող խումբը փորձել է ուղիղ եթերում լուսաբանել, թե ինչպես է իսրայելական ոստիկանությունը արգելում Երուսաղեմի Ալ-Աքսա մզկիթում իրականացնել հերթական ուրբաթօրյա աղոթքը:

Սակայն Իսրայելի ոստիկանական ուժերը, ապամոնտաժելով ուղիղ հեռարձակման համար նախատեսված նկարահանման սարքերը, թույլ չեն տվել թուրքական նկարահանող խմբին լուսաբանել տեղի ունեցող իրադարձությունները:

Թուրքական մամուլում հիշյալ գործողությունը որակվել է որպես իսրայելական ուժայինների կողմից հերթական միջամտություն լրագրողական աշխատանքին:

Հիշեցնենք, որ Պաղեսիտնի Գազայի հատվածում իշխող «ՀԱՄԱՍ» խմբավորւմը հոկտեմբերի 7-ին էր ձեռնարկել լայնամասշտաբ ռազմական գործողություններ իսրայելի նկատմամբ, ինչից հետո էլ արդեն 11 շաբաթ է Իսրայելը չի թույլատրում Երուսաղեմի մահմեդական բնակչությանը ուրբաթօրյա աղոթք իրականացնել Ալ-Աքսա մզկիթում:

Աղբյուր` trthaber.com