Թուրքիայի կողմից ՆԱՏՕ-ին Շվեդիայի անդամակցության հայտի հաստատումը մոտենում է վերջնական փուլին

Քաղաքական12:41, 27 Դեկտեմբեր 2023

Թուրքիայի կողմից ՆԱՏՕ-ին Շվեդիայի անդամակցության հայտի հաստատումը մոտենում է վերջնական փուլին

Դեկտեմբերի 26-ին Թուրքիայի խորհրդարանի արտաքին կապերի հանձնաժողովի կողմից ընդունվել է ՆԱՏՕ-ին Շվեդիայի անդամակցության արձանագրության հաստատման մասին օրենքի նախագիծը:

Արտաքին կապերի հանձնաժողովըի հերթական հանդիպումը տեղի է ունեցել Թուրքիայում իշխող «Արդարություն և զարգացում» կուսակցության (ԱԶԿ-AKP) Անկարայի պատգամավոր Ֆուաթ Օքթայի գլխավորությամբ:

Օրենքի նախագծի ընդունմանը կողմ է քվեարկել ԱԶԿ-ն, Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցությունը (ՀԺԿ-CHP), ինչպես նաև «Ազգային շարժում» կուսակցությունը (ԱՇԿ-MHP):

Դեմ է քվեարկել միայն ընդդիմադիր «Լավ» կուսակցությունը, իսկ քվեարկությանն ընդհանրապես չի մասնակցել միայն ընդդիմադիր «Ժողովուրդների հավասարության և ժողովրդավարության» կուսակցությունը:

Թուրքիայի խորհրդարանի արտաքին կապերի հանձնաժողովի կողմից օրենքի նախագծի ընդունումից հետո այն պետք է քննարկվի գլխավոր խորհրդում:

Սակայն գլխավոր խորհրդի հերթական նիստի գումարման մասին ժամանակահտված դեռևս չի նշվում:

Նշենք, որ գլխավոր խորհուրդն արդեն ամփոփել է 2023-ը և հիմա արձակուրդում է: Այն իր գործունեությունը կշարունակի 2024-ի հունվարի 16-ից:

Աղբյուր` ntv.com.tr