Թուրքիայում ընդդիմադիր կուսակցության առաջնորդ. «Կենսաթոշակառուները դատապարտված են սովի»

Քաղաքական12:08, 17 Հունվար 2024

Թուրքիայում ընդդիմադիր կուսակցության առաջնորդ. «Կենսաթոշակառուները դատապարտված են սովի»

Հունվարի 17-ին տեղի է ունեցել Թուրքիայի կառավարություն հերթական նիստը: Նիստի օրակարգային հարցերից է եղել թոշակառուներին վճարվող գումարների չափը:

Նիստի ընթացքում որոշում է կայացվել կենսաթոշակառուներին վճարվող գումարների նվազագունը սահմանել 10.000 լիրա (թուրքական դրամական արժույթ) (ավելի քան 300 դոլար)՝ նախկին 7.500-ի փոխարեն:

Թուրքիայի նախագահ Ռեջեփ Թայիփ Էրդողանը նիստից հետո ունեցած ելույթում նշել է նաև, որ թոշակառուներին վճառրվող գումարներն ավելանալու են 5 տոկոսով:

Կառավարության նման որոշումները քննադատության առարկա են դարձել ընդդիմադիրների համար:

Մասնավորապես այն քննադատել է Թուրքիայում գլխավոր ընդդիմադիր ուժը համարվող «Ժողովրդահանրապետական» կուսակցութայն (ԺՀԿ-СHP) նորընտիր ղեկավար Օզգյուր Օզելը:

Նա նշել է, որ չնայած Էրդողանի՝ 2024-ը կենսաթոշակառուների տարի հռչակելուն, կենսաթոշակառուները դատապարտվել են սովի:

«Էրդողանի հայտարարած առաջընթաց գումարի բարձրացումն ամենաքիչն է, ամենացածր կենսաթոշակի բարձրացված մակարդակը՝ անբավարար: Թոշակառուներին չի կարելի սրան դատապարտել: Ամենացածր կենսաթոշակը պետք է լինի նվազագույն աշխատավարձի չափ»,-ասել է Օզելը:

Նշենք, որ Թուրքիայում այժմ աղքատության շեմը սահմանվում է 15.000 լիրա (500 դոլար) (մեկ ընտանիքի համար նախատեսված մինիմալ ծախսերը մեկ ամսվա կտրվածքով), ինչն էլ փաստում է այն մասին, որ այս պահին կենսաթոշակառու թուրքերը ավելի քան աղքատ են:

Աղբյուր` artigercek.com