Թուրքիան զսպվածության կոչ է անում Իրանին ու Պակիստանին

Քաղաքական15:11, 18 Հունվար 2024

Թուրքիան զսպվածության կոչ է անում Իրանին ու Պակիստանին

Թուրքիայի արտգործնախարար Հաքաբշն Ֆիդանը հեռախոսազրույց է ունեցել Իրանի և Պակիստանի արտգործնախարարների հետ։ Քննարկվել է Իրանի ու Պակիստանի միջև լարվածությունը։

Ըստ դիվանագիտական աղբյուրների՝ Ֆիդանը շեշետել է, որ տարածաշրջանում չպետք է լինեն նոր խնդիրներ և զսպվածության կոչ է արել կողմերին։

Իրանի ու Պակիստանի արտգործնախարարները նշել են, որ իրենք ևս չեն ցանկանում, որ լարվածությունը սրվի։

Նույնաբովանդակ հայտարարություն է արել Թուրքիայի արտաքին գործերի նախարարությունը՝ անդրադառնալով նաև Իրանի կողմից Հյուսիսային Իրաքի ուղղությամբ իրականացված հարձակմանը։

«Ցանկանում ենք, որ բոլոր հարցերը կարգավորվեն երկխոսության և համագործակցության ճանապարհով՝ առանց սպառնալու տարածաշրջանային անվտանգությանն ու կայունությանը։

Բարեկամական և եղբայրական Իրանին, Իրաքին և Պակիստանին կոչ ենք անում չափավորությամբ և ողջախոհությամբ ապահովել հանդարտություն։ Թուրքիան պատրաստ է տարածաշրջանային երկրների հետ կիսվել խաղաղ ճանապարհներով հակամարտությունների լուծման հարցում իր փորձառությամբ»,- նշվել է Թուրքիայի արտգործնախարարության գրավոր հայտարարության մեջ։

Աղբյուր` TRT haber.com.tr