Կիրիակոս Միցոտակիս. «Հունաստանի և Թուրքիայի հարաբերություններում նկատվում է մեղմացում»

Քաղաքական14:10, 19 Հունվար 2024

Կիրիակոս Միցոտակիս. «Հունաստանի և Թուրքիայի հարաբերություններում նկատվում է մեղմացում»

Հունաստանի վարչապետ Կիրիակոս Միցոտակիսը Դավոսի համաշխարհային տնտեսական համաժողովի ելույթում անդրադարձել է մի շարք հարցերի, այդ թվում նաև Թուրքիայի հետ հարաբերություններին։

Նա հայտնել է, որ 2023-ի փետրվարին Թուրքիայում տեղի ունեցած երկրաշարժից հետո Հունաստանի և Թուրքիայի հարաբերություններում նկատվում է որոշակի մեղմացում։

Միցոտակիսը մասնավորապես նշել է․ «Վերջին տարիներին Թուրքիայի քաղաքականության մեջ նկատում ենք դրամատիկ փոփոխություններ։ Սակայն ցանկանում եմ լավատես լինել և ավելի ամրապնդել մեր երկրների միջև ձեռնարկվող դրական քայլերը»։

Միցոտակիսը նաև նշել է, որ երկու երկրների միջև միակ կարևոր խնդիրը մնում է ծովային սահմանների նկատմամբ ունեցած իրավասությունների հարցը, որը չի լուծվել և չնայած դրան պետք է կարողանալ գոյակցել և կենտրոնանալ դրական օրակարգի վրա։

Անդրադառնալով Գազայում տիրող իրավիճակին՝ Հունաստանի վարչապետը մտահոգություն է հայտնել խաղաղ բնակիչների շրջանում զոհերի թվի աճի վերաբերյալ և ընդգծել, որ զոհերի թվում շատ երեխաներ կան։

Աղբյուր` cumhuriyet.com.tr