Իրանի արգործնախարար. «Թուրքիայի հետ համագործակցության նոր էջ ենք սկսել»

Քաղաքական11:47, 26 Հունվար 2024

Իրանի արգործնախարար. «Թուրքիայի հետ համագործակցության նոր էջ ենք սկսել»

Իրանի արգործնախարար Հուսեյն Ամիր Աբդոլլահիանը X-ում (Twitter) կատարած գրառմամբ անդրադարձել է Իրանի նախագահ Էբրահիմ Ռայիսիի և Թուրքիայի նախագահ Ռեջեփ Թայիփ Էրդողանի միջև տեղի ունեցած հանդիպմանը:

Իրանցի նախարարը, հիշեցնելով, որ երկու երկրի ղեկավարներն առևտրի, ներդրումների, տնտեսության, մշակույթի, սահմանային անվտանգության և ահաբեկչության դեմ պայքարի վերաբերյալ մի շարք (10 համաձայնագիր - խմբ.) համաձայնագրեր են ստորագրել, նշել է. «Մեր մեծարգո նախագահի Թուրքիա կատարած պաշտոնական այցի արդյունքները երկու երկրների միջև երկկողմանի և տարածաշրջանային համագործակցության նոր էջի սկիզբ է»:

Հիշեցնենք, որ Ռայիսին Էրդողանի հրավերով Թուրքիա էր մեկնել հունվարի 23-ին, որտեղ երկկողմ հանդիպումից զատ տեղի էր ունեցել նաև միջպատվիրակային հանդիպում և Թուրքիա-Իրան բարձր մակարդակի համագործակցության խորհրդի 8-րդ նիստը: Երկու ղեկավարները մասնակցել էին նաև «Թուրքիա-Իրան գործարար համաժողովին»:

Աղբյուր` aa.com.tr