«Զարգացման ճանապարհ» նախագիծը Թուրքիայի և Իրաքի տրանսպորտի նախարարների օրակարգում

Քաղաքական16:36, 02 Փետրվար 2024

«Զարգացման ճանապարհ» նախագիծը Թուրքիայի և Իրաքի տրանսպորտի նախարարների օրակարգում

Թուրքիայի տրանսպորտի և ենթակառուցվածքների նախարար Աբդուլքադիր Ուրարօղլուն հանդիպել է իրաքցի իր գործընկերոջ Ռեզզաք Մուհեյբես Էս-Սադավիի հետ:

Ուրարօղլուն հանդիպումից հետո հանդես է եկել հայտարարություններով, որոնցում նշել է, որ երկու երրների համար ամենակարևորը հարցը «Զարգացման ճանապարհ» նախագիծն է:

Թուրք նախարարը նշել է, որ հանդիպման ընթացքում քննարկվել է ծրագրի իրականացման հարցում գրանցված առաջընթացը, ինչպես նաև շեշտել՝ այդ համատեքստում Իրաքի կողմից մեծաթիվ քայլերի ձեռնարկումը:

Նա նաև հույս է հայտնել, որ 2024-ի ընթացքում կքննարկվեն դրա ֆինանսավորման ու մրցույթի հետ կապված զարգացումները:

«Մենք խոսել ենք, որ մեր նախագահի (Ռ.Թ. Էրդողան) Իրաք կատարելիք այցի ընթացքում հնարավոր է փոխադարձ որոշումներ կայացվեն: Մենք նաև տվյալներ ենք փոխանցել զարգացման ճանապարհի շարունակության հարցում՝ մեր երկրում անհրաժեշտ աշխատանքների իրականացման վերաբերյալ»,-ասել է Ուրարօղլուն:

Նրա խոսքով՝ Թուրքիայում այդ աշխատանքներն իրենց կողմից մեծ թափով իրականացվում են:

Թուրք նախարարն անդրադարձել է նաև ճանապարհի արդյունավետությանը՝ այդ համատեքստում ընդգծելով փոխադրումների ավելի կարճ ժամկետում իրականացվելու առավելությունը:

Ըստ այդմ՝ եթե Հարավաֆրիկյան Ումիթ Բուրնու հրվանդանից մոտավորապես 45, իսկ Կարմիր ծովից մոտավորապես 35 օր են տևում փոխադրումները, ապա այդ ճանապարհով դրանք կրճատվելու են՝ հասնելով 25-ի:

Աղբյուր` trthaber.com