Թուրքիայի մերձավորարևելան քաղաքականությունն ամերիկյան մամուլի ուշադրության կենտրոնում

Քաղաքական14:21, 02 Փետրվար 2024

Թուրքիայի մերձավորարևելան քաղաքականությունն ամերիկյան մամուլի ուշադրության կենտրոնում

Ամերիկյան մի շարք առաջատար լրատվամիջոցներ Թուրքիայի տարբեր ոլորտներում տիրող իրավիճակի վերաբերյալ վերլուծություններ են արել:

Նշվում է, որ դրանք նպատակ են ունեցել ցույց տալու, թե ապագայում Թուրքիան ինչիպիսի դիրք կունենա տարածաշրջանում, ինչպես նաև ամբողջ աշխարհում:

Թուրքական մամուլում այդպիսի վերլուծություններից առանձնացվել է այն մեկը, որը տեղ է գտել ամերիկյան «Foreign Affairs» պարբերականում:

Այն վերաբերել է Մերձավոր Արևելքում առկա լարվածության ֆոնին Թուրքիայի կողմից որդեգրված քաղաքական և դիվանագիտական կուրսին, ինչպես նաև այդ համատեքստում արվող քայլերին:

Վերլուծության մեջ Թուրքիան որակվել է մի երկիր, որն այդ տարածաշրջանում անվտանգային մեխանիզմի ստեղծման հարցում առանցքային դեր է խաղում:

Նշվում է նաև, որ պաղեստինա-իսրայելական հակամարտության 2023-ի հոկտեմբեր 7-յան սրումներից հետո Թուրքիան կառուցողական դեր է ունեցել (չնայած այն հանգամանքին, որ պետական մակարդակով երկրում որդեգրվել է հակահրեականությունը-խմբ):

Պարբերականում տեղ են գտել նաև հակամարտությունից հետո Թուրքիայի կողմից ձեռնարկված գործողությունների մասին տեղեկություններ:

Բացի այդ, վերլուծության մեջ առաջ է քաշվել մի պնդում, որի համաձայն Մերձավոր Արևելքում փոխզիջումը մոտ է և այն պետք է կառուցվի «Թուրքիայի պես տարածաշրջանային ուժերի հետ միասին»՝ վստահության բարձրացման նպատակով ձևավորվելիք նոր մեկնարկային պահով (նկատի է առնվել տարածաշրջանի հարաբերություններում ներ էջի բացումը, որը կխթանի դրանում առկա երկրների փոխվստահության բարձրացմանը-խմբ.):

Աղբյուր` haberler.com