Քաղաքական09:21, 20 Փետրվար 2024
Թուրքիան և Ադրբեջանը 3 համաձայնագիր են կնքել
Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի Անակարայում կայացած հանդիպումից հետո երկու երկրի միջև 3 համաձայնագիր է ստորագրվել:
Մասնավորապես դրանցից մեկը վերաբերել է Թուրքիայի և Ադրբեջանի կառավարությունների միջև անասնաբուժական դեղորայքի ոլորտի համագործակցությանը: Այն ստորագրել են Թուրքիայի գյուղատնտեսության և անտառտնտեսության նախագահ Իբրահիմ Յումաքլըն և Ադրբեջանի արտգործնախարար Ջեյհուն Բայրամովը:
Մյուսը կապված է եղել կրկնակի հարկման և հարկերից խուսափելու գործընթացի կանխման հետ: Այն ստորագրվել է Թուրքիայի գանձապետարանի և ֆինանսների նախարար Մեհմեդ Շիմշեքի և Ադրբեջանի էկոնոմիկայի նախարար Միքայիլ Չաբբարովի կողմից:
Եվ վերջինը կնքվել է Թուրքիայի բարձրագույն կրթության խորհրդի և Ադրբեջանի գիտության և կրթության նախարարության միջև: Այն վերաբերել է Թուրքիա-Ադրբեջան համալսարանի ստեղծմանը:
Դրա ստեղծման շուրջ փոխըմբըռնման հուշագիրը ստորագրել է մի կողմից Թուրքիայի բարձրագույն կրթության խորհրդի նախագահ պրոֆեսոր Էրոլ Օզվարը և մյուս կողմից Ադրբեջանի կրթության նախարար Էմին Էրուլլայեվը:
Հիշեցնենք, որ Ալիևը Թուրքիա էր ժամանել փետրվարի 19-ին և հանդիպում ունեցել Էրդողանի հետ: Հանդիպման օրակարգում երկկողմ հարաբերություններից զատ տեղ էին գտել նաև տարածաշրջանային և համաշխարհային զարգացումները:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |