Թուրքական մամուլի արձագանքը Ուկրաինա-Հունաստան համագործակցությունը

Տնտեսական13:24, 20 Փետրվար 2024

Թուրքական մամուլի արձագանքը Ուկրաինա-Հունաստան համագործակցությունը

Թուրքական մամուլն անդրադարձել է Հունաստանի ենթակառուցվածքների և տրանսպորտի նախարարի և Ուկրաինայի պետնախարարի հանդիպմանը Աթենքում, որտեղ կողմերը քննարկել են տրանսպորտի ոլորտում Ուկրաինա-Հունաստան համագործակցությունը։

Մասնավորապես նշվում է, որ կողմերը ցանկանում են Հունաստանի հյուսիս-արևելքում գտնվող Ալեքսանդրուպոլիս նավահանգստով Ուկրաինայի հետ երկաթուղային կապ հաստատել։

Թուրքական մամուլն ընդգծել է, որ Ուկրաինան Ալեքսանդրուպոլիս նավահանգստի հարցում համաձայնության է գալիս Հունաստանի հետ այն դեպքում, երբ Թուրքիան պաշտոնական Կիևին մատակարարել է հարվածային TB2 անօդաչու թռչող սարքեր։

Միջանկյալ նշենք, որ Թուրքիայի և Հունաստանի միջև լուրջ հակասություններ կան Էգեյան ծովի մի շարք կղզիների պատկանելիության շուրջ։

Հույն նախարարի խոսքով՝ Հունաստանը կաջակցի երկաթուղու անխոչընդոտ ընթացքին, տրանսպորտային ցանցերի անխափան աշխատանքին և Ուկրաինայի ու եվրոպական կապուղիների ընդլայնմանը։ Ըստ թուրքական աղբյուրի՝ Հունաստանն այլընտրանքային ճանապարհ է ստեղծում Ուկրաինայից Ռումինիա և Բուլղարիա Ալեքսանդրուպոլիս նավահանգստով։

Աղբյուր` yeniakit.com.tr