Կատարն ու Թուրքիան մտադիր են խորացնել ներդրումային համագործակցությունը

Տնտեսական15:06, 21 Փետրվար 2024

Կատարն ու Թուրքիան մտադիր են խորացնել ներդրումային համագործակցությունը

Կատարի առևտրի և արդյունաբերության պալատի նախագահի առաջին տեղակալ Մուհամմեդ Բին Ահմեդ Բին Թուվար Քուվարին խոսել է Կատար-Թուրքիա տնտեսական համագործակցության մասին:

Նա ընգծել է, որ 2023-ին երկու երկրի միջև գրանցված առևտրաշրջանառության ծավալները կազմել են 4.4 մլրդ ռիալ (Կատարի դրամական արժույթ) (1.2 մլրդ դոլար):

Բացի այդ, նշել է, որ Թուրքիան կատարցի ներդրողների համար առանձնահատուկ ներդրումների կենտրոն է հանդիսանում և որ Կատարը հանդիսանում է Թուրքիայում ամենից շատ ներդրումներ իրականացնող պետություններից մեկը:

«Հաշվի առնելով՝ հատկապես երկու երկրում առկա գրավիչ ներդրումային միջավայրը և ներդրումային խթանները, ճիշտ ժամանակն է, որ կատարցի և թուրք գործարարներն ավելի շատ դաշնակցային և առևտրային գործընկերություն ձևավորեն»,-հավելել է նա:

Այս համատեքստում նա հայտարարել է նաև, որ թուրքական ընկերություններին կոչ է արել Կատարում ունեցած իրենց ներդրումներն ավելացնելու և բոլոր ոլորտներում առևտրային դաշինքներ և արդյունավետ համագործակցություն ձևավորելու նպատակով համագործակել կատարական ընկերությունների հետ:

Նման հայտարարություններով հանդես է եկել նաև Կատարում գտնվող Թուրքիայի առևտրային պատվիրակություն նախագահ Ֆարուք Քալքավանը:

Նա Կատարի հետ ունեցած հարաբերությունները հատկապես առևտրի և տնտեսության ոլորտում որակել է սերտ, հատուկ և տարբերվող:

«Մի շարք թուրքական ընկերություններ ցանկանում են մուտք գործել կատարական շուկա»,-ասել է նա:

Նշենք, որ Կատարի Թուրքիայում կատարած ներդրումները 2021-ի ավարտին կազմել են 33.2 մլրդ դոլար:

Աղբյուր` dogruhaber.com.tr