Թուրքիայի փոխարտգործնախարար. «Չկա օրենքի մի կետ, որը Իսրայելը խախտած չլինի»

Քաղաքական17:29, 27 Փետրվար 2024

Թուրքիայի փոխարտգործնախարար. «Չկա օրենքի մի կետ, որը Իսրայելը խախտած չլինի»

Թուրքիայի փոխարտգործնախարար Ահմեդ Յըլդըզի գլխավորած պատվիրակությունը մասնակցել է արդարադատության միջազգային դատարանում (ԱՄԴ) «Իսրայելի կողմից պաղեստինյան տարածքների բռազավթման իրավական հետևանքները» թեմայով հրավիրված լսումներին:

Այնտեղ Թուրքիայի անունից ելույթ ունենալուց հետո Յըլդըզը զրուցել է թուրքական «Anadolu» լրատվական գործակալության թղթակցի հետ: Զրույցում թուրք դիվանագետը նշել է, որ չկա օրենքի մի կետ, որը Իսրայելը խախտած չլինի:

Բացի այդ Յըլդըզն առաջ է քաշել իր տեսակետը՝ կապված Պաղեստինի Գազայի հատվածում տիրող իրավիճակի լուծման հետ:

«Շատ է խոսվում իրավունքից, օրենքից, սակայն երբ բանը հասնում է Իսրայելին, ցավոք, դրանք շատ վավեր չեն լինում, կամ էլ չեն համապատասխանեցվում: Իրականում խնդրի իրական լուծումը Իսրայելին միջազգային լեգիտիմության դաշտ վերադարձնելն է»:

Հիշեցնենք, որ պաղեստինա-իսրայելական հակամարտությունը սրվել էր 2023-ի հոկտեմբերի 7-ից ի վեր՝ Պաղեստինի Գազայի հատվածում իշխող «ՀԱՄԱՍ» խմբավորման կողմից Իսրայելի ուղղությամբ իրականացված հարձակումից հետո և մինչ օրս շարունակում է մնալ սրված:

Աղբյուր` aa.com.tr