Էրդողան. «Մենք չկարողացանք ունենալ այն արդյունքը, որն ակնկալում էինք»

Քաղաքական10:33, 01 Ապրիլ 2024

Էրդողան. «Մենք չկարողացանք ունենալ այն արդյունքը, որն ակնկալում էինք»

Թուրքիայի նախագահ Ռեջեփ Թայիփ Էրդողանը մարտի 31-ին Թուրքիայի տեղական ինքնակառավարման մարմինների ընտրությունների ավարտին զուգահեռ մեկնարկած քվեների հաշվման ընթացքում հանդիպել է ժողովրդի հետ:

Անկարայում գտնվող «Արդարություն և զարգացում» կուսակցության (ԱԶԿ-AKP) գլխամասի մոտ ունեցած ելույթում Էրդողանն ամփոփել է ընտրությունները՝ հիմք վերցնելով մինչ այդ պահը հաշվված քվեները:

«Տեղական ինքնակառավարման մարմինների ընտրությունների քննությանը մենք չկարողացանք հասնել այն արդյունքին, որը ցանկանում էինք, որն ակնկալում էինք»:

Բացի այդ, Էրդողանն ընդգծել է, որ մարտի 31-ն իրենց համար վերջը չէ, այլ միայն շրջադարձային կետ:

«Միանշանակ ջրի երես ենք հանելու տեղական հիմունքներով գրանցված այս հետընթացի պատճառները: Մենք բոլոր այն տեղերում, որտեղ պարտվել և հետնթաց ենք ունեցել, անհրաժեշտ միջամտություններ ենք անելու և շատ լավ ձևով պարզելու ենք պատճառները»,-հավելել է նա:

Աղբյուր` trthaber.com