ԺՀԿ ղեկավար. «Եթե լինեն արտահերթ ընտրություններ, դա կրկին ժողովուրդն է որոշելու»

Քաղաքական14:40, 02 Ապրիլ 2024

ԺՀԿ ղեկավար. «Եթե լինեն արտահերթ ընտրություններ, դա կրկին ժողովուրդն է որոշելու»

Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ Օզգյուր Օզելը անդրադարձել է Թուրքիայի տեղական ինքնակառավարման մարմինների (ՏԻՄ) ընտրությունների արդյունքներին:

Նա ընգծել է, որ իր կուսակցության հավաքած քվեները միայն ԺՀԿ-ի քվեները չեն, դրանում թե՛ «Արդարություն և զարգացում» կուսակցության (ԱԶԿ-AKP), թե՛ «Ազգայնական շարժում» կուսակցության (ԱՇԿ-DHP), և թե՛ «Ժողովուրդների հավասարություն և ժողովրդավարության» կուսակցության (DEM) ձայները կան:

Օզեը հայտարարել է նաև, որ մտադրություն չունեն արտահերթ համապետական ընտրությունների կոչ անելու:

«Մարդիկ ցանկանում են զգուշացնել կառավարությանը: Եթե ես ընտրություններում հաղթելուց հետո ասեմ «Սա անվստահության քվե է, գնա՛ արտահերթ ընտրությունների», ինձ վստահած ԱԶԿ-ականների և ԱՇԿ-ականների հանդեպ անարդար կլինեմ:

Եթե լինեն արտահերթ ընտրություններ, դա կրկին ժողովուրդն է որոշելու»,-հավելել է նա

Հիշեցնենք, որ մարտի 31-յան ՏԻՄ ընտրություններում 2.28 տոկոսով էր ԺՀԿ-ն առավելության հասել իշխող ԱԶԿ-ի նկատմամբ՝ հավաքելով քվեների 37.77 տոկոսը: