Թուրքիայի արդարադատության նախարար.«Թուրքիան միշտ կանգնած է իր պաղեստինցի եղբայրների կողքին»

Քաղաքական11:26, 09 Ապրիլ 2024

Թուրքիայի արդարադատության նախարար.«Թուրքիան միշտ կանգնած է իր պաղեստինցի եղբայրների կողքին»

Թուրքիայի արդարադատության նախարար Յըլմազ Թունչը հրապարակում է արել, որտեղ անդրադարձել է պաղեստինա-իսրայելական պատերազմին։

Թունչը մասնավորապես նշել է. «Օկուպանտ Իսրայելը հոկտեմբերի 7-ից մինչ օրս խախտում է միջազգային իրավունքը և ռազմական հանցագործություններ է կատարում Գազայում մարդկության աչքի առջև։ Քաղաքացիական անձանց վրա ռումբեր նետելով ցեղասպանություն է գործում»։

Հրապարակման մեջ նախարարը նշել է, որ Իսրայելի դավաճանական հարձակումների հետևանքով մահացել է ավելի քան 33.000 մարդ՝ հիմնականում կանայք և երեխաներ, իսկ 76.000 մարդ վիրավորվել։ Ըստ Թունչի՝ միջազգային համակարգը և այն երկրները, որոնք այսպես կոչված ժողովրդավարության և մարդկանց իրավունքների պաշտպաններն են «օկուպանտ» Իսրայելի գործած կոտորածների մասին լռելով, բռնարարների կողմ են բռնում։

Թուրք նախարարը նշել է, որ Էրդողանը պաղեստինցի եղբայրների կողքին է և ցանկացած հարթակում նշում է, որ ամբողջ աշխարհը չպետք է անտարբեր մնա կատարվողի նկատմամբ՝ ասելով, որ «աշխարհը 5-ից մեծ է» և «հնարավոր է ավելի արդար աշխարհ»։

Ըստ Թունչի՝ Թուրքիան դարձել է Գազա ամենաշատ օգնություն ուղարկած առաջին երկիիրը և շարունակելու է օգնություն ուղարկել։

«Մշտապես կանգնելու ենք ճնշվածների և տուժածների կողքին և պաշտպանելու ենք աշխարհում խաղաղությունը, հանգստությունն ու արդարությունը։ Թուրքիան միշտ իր պաղեստինցի եղբայրների կողքին է»,-հավելել է Թունչը։

Աղբյուր` dha.com.tr