Չինական մեքենա արտադրող ընկերությունը Թուրքիայի փոխարեն արտադրամաս է բացել Իսպանիայում

Տնտեսական16:44, 11 Ապրիլ 2024

Չինական մեքենա արտադրող ընկերությունը Թուրքիայի փոխարեն արտադրամաս է բացել Իսպանիայում

«Chery» ավոտմոբիլների արտադրությամբ զբաղվող չինական ընկերությունը որոշում է կայացրել Թուրքիայի փոխարեն արտադրամաս գործարկել Իսպանիայում։

Իսպանիայի կառավարությունն ու ճապոնական արտադրող «EV Motors» արդյունաբերական ընկերությունը հայտնել են, որ չինական ընկերության՝ Եվրոպայում ունեցած առաջին արտադրամասը շուտով գործարկվելու է։

Ինչպես նշվում է Իսպանիայի արդյունաբերության նախարարության տարածած հաղորդագրությունում, առաջիկա օրերին արդեն կկնքվի համաձայնագիր։

Նշենք, որ 2023-ին «Chery» ընկերությունը հայտարարել էր Թուրքիայում արտադրության մեկնարկ տալու համար համապատասխան նախարարությունների հետ հանդիպումներ սկսելու մասին, ինչը սակայն որևէ արդյունք այդպես էլ չէր ունեցել։

Կյանքի չկոչված նման մտադրություն ունեցել էր նաև հայտնի գերմանական «Volkswagen» ընկերությունը, որը Թուրքիայի Մանիսա քաղաքում մասնաճյուղ էր բացել՝ հետագայում արտադրություն սկսելու մտքով։ Բայց այս դեպքում ևս չէին կատարվել պլանավորված ներդրումները։

Աղբյուր` halktv.com.tr