Թուրքիայի նախագահը Կատարի շեյխի հետ քննարկել է Իսրայելի դեմ իրականացվելիք քայլերը

Քաղաքական10:03, 16 Ապրիլ 2024

Թուրքիայի նախագահը Կատարի շեյխի հետ քննարկել է Իսրայելի դեմ իրականացվելիք քայլերը

Թուրքիայի նախագահականի հանրային կապերի վարչության տարածած հաղորդագրության համաձայն՝ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Կատարի շեյխ Թեմիմ բին Համեդ ալ Սանիի հետ:

Օրակարգում են եղել Թուրքիա-Կատար երկկողմ հարաբերություններն ու տարածաշրջանային և համաշխարհային զարգացումները:

Անդրադարձ է կատարվել նաև Պաղեստինի Գազայի ուղղությամբ Իսրայելի հարձակումներին ու այնտեղ տիրող հումանիտար վիճակին:

Հեռախոսազրույցի ընթացքում Էրդողանն ընգծել է, որ իսլամական աշխարհը պետք է մեծացնի միասնական ջանքերը, որպեսզի Իսրայելը դադարեցնի իր կողմից իրականացվող դաժան հարձակումներն ու պատժվի մարդկության դեմ իրականացրած հանցագործությունների համար:

Էրդողանը հայտարարել է, որ կենսական է հնարավորինս շուտ Իսրայելին զսպելը և այնպես անելը, որ նա գործի ողջախոհությամբ՝ տարածաշրջանում լարվածության ընդլայնումը կանխելու համար։

Աղբյուր` trthaber.com