Գազայի ճգնաժամը շարունակում է մնալ Էրդողանի օրակարգում

Քաղաքական12:19, 17 Ապրիլ 2024

Գազայի ճգնաժամը շարունակում է մնալ Էրդողանի օրակարգում

Թուրքիայի նախագահ և իշխող «Արդարություն և զարգացում» կուսակցության (ԱԶԿ-AKP) առաջնորդ Ռեջեփ Թայիփ Էրդողանն ապրիլի 16-ին գումարված կառավարության հերթական նիստից հետո հանդես է եկել հայտարարություններով:

Նա անդրադարձել է Պաղեստինի Գազայի հավածում տիրող իրավիճակին՝ ընգծելով, որ Թուրքիան շարունակելու է աջակցել պաղեստինցիներին:

«Գազայի ճգնաժամում շարունակելու ենք անրհրաժեշտ ձևով կատարել մեր եղբայրական պարտքը»,-ասել է նա:

Ապա նաև Իսրայելին մեղադրել դաժան գործողություններ իրականացնելու մեջ՝ ընգծելով, որ ժամանակի ընթացքում պարզ կդառնա, թե անբարոյական քարոզչությունների ետևում ինչեր կան և ինչ իրողություններ են թաքնված դրանցում:

Էրդողանն անդրադարձել է Իրանի կողմից Իսրայելի ուղղությամբ ապրիլի 14-ի գիշերն իրականացված հարձակմանը ևս՝ հայտնելով իր մտահոգությունը տարածաշրջանում հնարավոր լայնմասշտաբ պատերազմի բռնկման հարցում:

Թուրքիայի նախագահն այս հարցում հավաքական Արևմուտքին մեղադրել է երկդիմի քաղաքականության մեջ և ուշադրություն հրավիրել ապրիլի 1-ին Դամասկոսում Իրանի դեսպանատան վրա Իսրայելի կողմից իրականացված հարձակման անարձագանք լինելու վրա:

«Վերջին դեպքի հիմքում ընկած խնդիրը պետք է բացահայտվի: Իսրայելի դաժանությանը, որը ոտնահարեց միջզգային հիմնարար սկզբունքները, մի քանի երկրից բացի ոչ մի արձագանք չեղավ»,-հավելել է Էրդողանը:

Թուրքիայի առաջնորդը ընգծել է նաև, որ հոկտեմբերի 7-ից՝ պաղեստինա-իսրայելական հակամարտության վերջին սրացուներից հետո Իսրայելը մինչ օրս շարունակում է տարածաշրջանը ենթարկել պրովոկացիոն քայլերի՝ լարվածության բոցը տարածաշրջանում տարածելու համար: