Քուվեյթի էմիրը Թուրքիայում է

Քաղաքական16:01, 07 Մայիս 2024

Քուվեյթի էմիրը Թուրքիայում է

Մայիսի 7-ին Թուրքիայի նախագահ Ռեջեփ Թայիփ Էրդողանն Անկարայի Էսենբողայի միջազգային օդանավակայանում դիմավորել է Քուվեյթի էմիր Մեշալ ալ Ահմեդ էս Սաբահին:

Նշվում է, որ սա Սաբահի 2023-ի դեկտեմբերին էմիրի պաշտոնում ընտրվելուց հետո առաջին պատոնական արտերկրյա այցն է:

Բացի այդ երկու պետությունների միջև դիվանագիտական հարաբերությունների հաստատման շուրջ 60 տարվա ընթացքում սա ընդհանուր առմամբ Քուվեյթի էմիրի 7-րդ այցն է Թուրքիա:

Թուրքական մեդիայում տարածվող լուրերի համաձայն՝ երկրի նախագահականում նախ տեղի կունենա Սաբահ-Էրդողան առանձնազրույց, որին կհաջորդի ընդլայնված՝ պատվիրակությունների մասնակցությամբ հանդիպումը:

Նշվում է, որ քննարկվելու են Պաղեստինի Գազայի հատվածում տիրող իրավիճակին և երկկողմ հարաբերություններին վերաբերող հարցեր: Անդրադարձ է կատարվելու նաև տարածաշրջանային զարգացումներին:

Թուրքիան մտադիր է տնտեսության, առևտրի, ռազմարդյունաբերության, տուրիզմի, էներգետիկայի, առողջապահության և այլ ոլորտներում Քուվեյթի հետ առկա համագործակցությունն էլ ավելի խորացնել:

Այս համատեքստում նախատեսվում է նաև կողմերի միջև մի շարք նոր համաձայնագրերի ստորագրում:

Աղբյուր` trthaber.com