Թուրքիան պատրաստվում է Իրաքի հետ «հակաահաբեկչական» գործողություն իրականացնել

Ռազմական14:21, 13 Մայիս 2024

Թուրքիան պատրաստվում է Իրաքի հետ «հակաահաբեկչական» գործողություն իրականացնել

Թուրքական մեդիայում շրջանառվող լուրերի համաձայն՝ Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ/PKK) դեմ թուրք-իրաքյան համատեղ ռազմագործողություն է նախապատրաստվում:

Նշվում է, որ Իրաքը գործողությանն ընդառաջ կործանիչներ ձեռք բերելու շուրջ համաձայնության է հասել Պակիստանի հետ:

Կործանիչները, որոնք ցանկանում է գնել Իրաքը, Չինաստանի և Պակիստանի համատեղ արտադրության «JF-17 Thunder Blok-3»-ներն են: Վերջերս Իսլամաբադը դրանցից վաճառել էր նաև Ադրբեջանին:

Ինչպես հայտնում են պակիստանյան լրատվամիջոցները, Իրաքին վաճառվելիք կործանիչների թիվը 12-ն է: Դրանց զուգահեռ մատակարարվելու է նաև չին-պարսկական արտադրության 12 «Süper Muşak» ուսումնավարժական ինքնաթիռ:

Հիշեցնենք, որ մարտի 20-ին էր Թուրքիայի պաշտպանության նախարար Յաշար Գյուլերը հույս հայտնել, որ ապագայում Իրաքի հետ միասին աշխատանքներ են տանելու ահաբեկչության դեմ պայքարի հարցում և հիմնելու Թուրքիա-Իրաք համատեղ գործողությունների կենտրոնի:

Աղբյուր` yeniakit.com.tr