Թուրքիայի մեջլիսի նախագահն առաջիկայում պաշտոնական այցով կլինի Ղազախստանում

Քաղաքական11:54, 14 Մայիս 2024

Թուրքիայի մեջլիսի նախագահն առաջիկայում պաշտոնական այցով կլինի Ղազախստանում

Թուրքիայի մեջլիսի (խորհրդարան) նախագահ Նուման Քուրթուլմուշն ընդունել է Անկարայում Ղազախստանի դեսպան Յերկեբուլան Սապիևին:

Հանդիպման ընթացում Քուրթուլմուշն ասել է, որ երկու երկրի միջև բոլոր ոլորտներում առկա են լավ հարաբերություններ, իսկ վերջին շրջանում իրականացված փոխադարձ այցերը մեծ ներդրում են ունենում այդ հարցում:

Թուրքիայի մեջլիսի նախագահը հայտնել է նաև, որ առաջիկայում խորհրդարանական պատվիրակությամբ պաշտոնական այցով մեկնելու է Ղազախստան, ինչպես նաև ընդգծել թյուրքական աշխարհի համար Ղազախստանի ունեցած կարևորությունը:

Քուրթուլմուշը ցավակցություն է հայտնել ապրիլի 7-ին Ղազախստանում տեղի ունեցած ջրհեղեղների կապակցությամբ և հայտնել, որ Թուրքիան պատրաստ է ամեն տեսակ օգնություն տրամադրել:

Թուրք պաշտոնյան շնորհակալություն է հայտնել 2023-ի փետրվարի 6-ին Թուրքիայում տեղի ունեցած ուժգին երկրաշարժից հետո Ղազասխատանի ցուցաբերած օգնության համար:

Աղբյուր` aa.com.tr