Բոլաթ. «Թուրքիան ԵՄ-ի համար գործընկեր է, որի դերը երբեք չպետք է թերագնահատվի»

Քաղաքական12:00, 22 Մայիս 2024

Բոլաթ. «Թուրքիան ԵՄ-ի համար գործընկեր է, որի դերը երբեք չպետք է թերագնահատվի»

Թուրքիայի առևտրի նախարար Օմեր Բոլաթը Չեխիա կատարած այցի շրջանակներում հանդիպել է «Թուրք գործարարների համաշխարհային խորհրդի» (DTİŞ) Չեխիայի և Եվրոպայի ներկայացուցիչների խորհրդի անդամների հետ:

Հանդիպման ընթացքում քննարկվել են հարցեր՝ կապված իրենց հանդիպմանը մասնակիցների երկրներում ներդրումային, առևտրային և տնտեսական հարաբերությունների խորացման հետ:

Բոլաթը, անդրադառնալով Չեխիայի հետ ունեցած առևտրային հարաբերություններին, ընդգծել է, որ երկու երկրի միջև առևտրաշրջանառության ծավալները մոտեցել են 6 մլրդ դոլարի շեմին:

«20 տարի առաջ Չեխիայի հետ առևտրի ծավալները կազմում էին 450 մլն դոլար: Շուրջ 13 անգամ մեծացած ծավալը հասել է 6 մլրդ դոլարի»,- ասել է նա, ապա նաև իրատեսական համարել առևտրաշրջանառության ծավալը 10 մլրդ դոլարի հասցնելու մտադրությունը:

Հանդիպման շրջանակներում Բոլաթն անդրադարձել է նաև Թուրքիա-Եվրամիություն (ԵՄ) հարաբերություններին:

Նա հայտարարել է, որ առաջիկա շաբաթվա ընթացքում Թուրքիայի արտահանողների միությունը Բրյուսելում գրասենյակ կբացի, ինչպես նաև, որ նախատեսվում է հանդիպում ԵՄ հանձնաժողովի փոխնախագահի և Բոլաթի միջև:

«Թուրքիայի և ԵՄ-ի միջև բարձր մակարդակի առևտրային կոմիտե ստեղծելու համար առաջարկ են արել: Մենք էլ շատ գոհ ենք եղել: Այստեղ՝ փոխադարձ, երկկողմ խնդիրները լուծելու կետում, այն կլինի կարևոր հարթակ:

Առտրի տեսանկյունից էլ Եվրամիության՝ 3-րդ երկրների ընկալման մեջ 5-րդ գործընկերը Թուրքիան է: Այսինքն, Թուրքիան ԵՄ-ի համար ևս մի գործընկեր է, որի դերը երբեք չպետք է թերագնահատվի»,-հավելել է նա:

Աղբյուր` trthaber.com