Քաղաքական17:42, 27 Մայիս 2024
Քուրթուլմուշ. «Ադրբեջանի հետ հարաբերությունները գերազանցել են ռազմավարական գործընկերության մակարդակը»
Թուրքիայի ազգային ժողովի նախագահ Նուման Քուրթուլմուշը հայտարարել է, որ թուրք-ադրբեջանական հարաբերությունները օրինակ են հանդիսանում միջազգային հարաբերությունների համար։ Ըստ Քուրթուլմուշի՝ այս հարաբերությունները հասել են ռազմավարական համագործակցության մակարդակի և թևակոխել են այնպիսի մի շրջան, որտեղ եղբայրության զգացումները ամբողջությամբ գերիշխող են և այդ հարաբերությունները ամրապնդվում են ռացիոնալ քայլերով։
«Մեր պարտքն է միասին ավելի ուժեղ կերպով առաջ տանել այս միասնությունն ու եղբայրությունը»,–նշել է Թուրքիայի խորհրդարանի նախագահը։
Ընդգծելով, որ Թուրքիան և Ադրբեջանը վճռական և հաստատակամ են միաժամանակ լավագույնս օգտագործելու իրենց հնարավորությունները՝ նա նշել է. «Հուսով եմ, որ շատ լավ արդյունքներ կտան Թուրքիայի և Ադրբեջանի միջև այս ամուր հարաբերություննները»։
Ըստ Քուրթուլմուշի՝ առաջիկա ժամանակահատվածում ամբողջ ուժով պայքար կընթանա, որպեսզի Թուրքիայի և Ադրբեջանի հարաբերությունները կարողանան շատ ավելի առաջ գնան բոլոր ոլորտներում։
«Հիմա այնպիսի մի ժամանակաշրջանում ենք, որտեղ հարաբերությունները տնտեսական, քաղաքական, ռազմական և բոլոր ոլորտում կշարունակվեն ու կավելանան։ Նույնքան կարևոր է ժողովուրդների միջև կամուրջների ամրապնդումը։ Դրա համար մենք պետք է ամուր հարաբերություններ պահպանենք կրթության, գիտության, մշակույթի, սպորտի և բոլոր ոլորտներում ու պետք է համատեղ ջանքներն առաջ տանենք»,- նշել է Քուրքթուլմուշը։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |