Սիրիայի հյուսիսում անցկացվելիք ընտրությունները հետաձգվել են Թուրքիայի ճնշմամբ

Քաղաքական14:33, 06 Հունիս 2024

Սիրիայի հյուսիսում անցկացվելիք ընտրությունները հետաձգվել են Թուրքիայի ճնշմամբ

Թուրքիայի կողմից ահաբեկչական կառույց որակվող «Քուրդիստանի բանվորական կուսակցությունը» (ՔԲԿ-PKK) և «Սիրիայի Ժողովրդավարական միությունը» (ՍԺՄ-PYD) Սիրիայի հյուսիսային շրջաններում ԱՄՆ-ի աջակցությամբ ցանկանում են անցկացնել տեղական ինքնակառվարման մարմինների (ՏԻՄ) ընտրություններ։ Նշվում է, որ Թուրքիայի և Եգիպտոսի ճնշմամբ որոշում է կայացվել չեղարկել այդ ընտրությունները։

Այս մասին Թուրքիայի մերձիշխանական «Sabah» թերթում հոդված է հրապարակվել «Քննություն կրակով» վերնագրով, որտեղ նշվում է, որ ադ ընտրությունները մայիսի 30-ից տեղափոխվել են հունիսի 11-ը, որպեսզի «Սիրիայի ապագա» կուսակցությունը, որը բաղկացած է արաբներից ևս կարողանա մասնակցել։

«Արաբական խմբերն անհանգստացած են։Լարվածությունը, որը կարող է խոչընդոտել ընտրությունները գնալով բարձրանում է։ Տարօրնակ կերպով ԱՄՆ Պետդեպարտամենտի պաշտոնական խոսույթում նշվում է, որ իրենք աջակցում են ընտրություններին։Ակնհայտորեն «ՍԺՄ»-ի ընտրական մուտքը մեկ քայլ առաջ է գնացել ԱՄՆ-ի կողմից բացված տեղից, սակայն ԱՄՆ-ը չի էլ ցանկացել կազմակերպությանը անտեր թողնել»,-նշվում է հոդվածում։

Հոդվածի հեղինակը նաև նշել է, որ Անկարայի դիրորոշումն այս հարցի վերաբերյալ պարզ է։ Թուրքիայի նախագահ Ռեջեփ Թայիփ Էրդողանը բացահայտ զգուշացրել է։ Քանի դեռ «PYD»-ն կա, այն ահաբեկչական կազմակերպություն է։Կարևոր է, որ Սիրիայի տարածքային ամբողջականությունը պահպանվի և դա «PKK»-ի կողմից վերահսկվող տարածք չլինի։

Աղբյուր` sonmuhur.com