Ֆիդանը կմեկնի Ռուսաստան

Քաղաքական09:09, 10 Հունիս 2024

Ֆիդանը կմեկնի Ռուսաստան

Թուրքիայի արտգործնախարար Հաքան Ֆիդանը հունիսի 10-ին մեկնելու է Ռուսաստանի Դաշնություն (ՌԴ):

Ֆիդանի այցը պայմանավորված է Նիժնի Նովգորոդ քաղաքում «BRICS+»-ի (ԲՐԻԿՍ) անդամ երկրների արտգործանախարարների միջև անցկացվելիք նիստի մասնակցությամբ:

ԲՐԻԿՍ-ը (անգլ.՝ BRICS — Brazil, Russia, India, China, South Africa բառերի հապավում) 9 երկրի միջազգային տնտեսական միություն է: Այն հիմնվել է 2006-ին:

Նշվում է, որ նիստի շրջանակներում ունենալիք հանդիպումներում Ֆիդանն անդրադառնալու է Պաղեստինի Գազայի շուրջ տիրող վերջին զարգացումներին, Ուկրաինային, Սիրիային, Լիբիային և Հարավային Կովկասին վերաբերող, ինչպես նաև մի շարք տարածաշրջանային և միջազգային նշանակություն ունեցող խնդիրների:

Ֆիդանը ներկայացնելու է նաև Ռուսաստանի և Թուրքիայի կողմից իրականացվող փոխադարձ ներդրումներն ու համատեղ աշխատանքները, որոնք կապված են երկու երկրների առաջնորդների կողմից սահմանված երկկողմ առևտրաշրջանառությունը մինչև 100 մլն դոլարի հասցնելու նպատակի հետ:

Նշենք, որ «ԲՐԻԿՍ»-ի 16-րդ գագաթնաժողովը նախատեսվում է անցկացնել հոկտեմբերի 22-ից 24-ը՝ ռուսական Կազան քաղաքում:

Աղբյուր` trthaber.com