Թուրք ընդդիմադիր. «Իսրայելի բանակում պատերազմող Թուրքիայի քաղաքացիներ կա՞ն»

Քաղաքական15:58, 13 Հունիս 2024

Թուրք ընդդիմադիր. «Իսրայելի բանակում պատերազմող Թուրքիայի քաղաքացիներ կա՞ն»

Թուրքիայում գործող ընդդիմադիր «Ժողովրդավարություն և առաջընթաց կուսակցության» (ԺԱԿ-DEVA) փոխնախագահ Մեհմեդ Էմին Էքմենը Թուրքիայի խորհրդարանի գլխավոր խորհրդում հարցեր է ուղղել պաշտպանության հանձնաժողովի նախագահ Հուլիսի Աքարին:

Թուրքիայի նախկին պաշտպանության նախարարին ուղղված հարցերը մասնավորապես վերաբերել են այն լուրերին, ըստ որոնց՝ պաղեստինցիների դեմ կռվում են նաև իսրայելական բանակում ծառայող Թուրքիայի քաղաքացիներ:

Նույն լուրերի վերաբերյալ ուղղված հարցերը հարցապնդման տեսքով և գրավոր տարբերակով ևս ուղարկվել են Աքարին:

Դրանցից մի քանիսը ստորև.

«Արդյո՞ք տարվել են աշխատանքներ պարզելու համար մեր այն քաղաքացիների ինքնությունը, ովքեր այլ՝ երկրորդ քաղաքացիություն ունեցած երկրում ներգրավված են ակտիվ զինվորական ծառայության մեջ, այն պարագայում, երբ ունեն մեր քաղաքացիությունը:

Իսրայելի բանակում որպես երկքաղաքացի պատերազմող թուրք քաղաքացիների քանակի վերաբերյալ արդյո՞ք ունենք որևէ տվյալ:

Պարզվել է արդյո՞ք այն մարդկանց ինքնությունը, ովքեր, ունենալով Թուրքիայի քաղաքացիություն, համալրել են իսրայելական բանակի շարքերը և մասնակցել Գազա-Ռեֆահ ցեղասպանական գործողությանը:

Իսրայելի բանակում պատերազմող Թուրքիայի քաղաքացիներ կա՞ն»: