Իսպանիայի վարչապետը Թուրքիային առանցքային գործընկեր և բարեկամ երկիր է համարել

Քաղաքական14:16, 13 Հունիս 2024

Իսպանիայի վարչապետը Թուրքիային առանցքային գործընկեր և բարեկամ երկիր է համարել

«Թուրքիա-Իսպանիա միջկառավարական գագաթնաժողովի» շրջանակներում հունիսի 13-ին Իսպանիայի մայրաքաղաք Մադրիդում տեղի է ունեցել «գործարար համաժողով»:

Իսպանական «BBVA» բանկի գլխամասում տեղի ունեցած համաժողովին Թուրքիայից մասնակցել է շուրջ 150 գործարար:

Բացման արարողությանը ելույթ են ունեցել Թուրքիայի նախագահ Ռեջեփ Թայիփ Էրդողանը և Իսպանիայի վարչապետ Պեդրո Սանչեզը ևս:

Իսպանիայի վարչապետը, անդրադառնալով երկկողմ հարաբերություններին, ասել է.

«Մինչ որոշները դուրս են եկել Թուրքիայից, մենք մեր ներդրումները կրկնապատկել ենք: Մենք այս վստահությունը պահել ենք: Թուրքիան և Իսպանիան փոխադարձ վստահության վրա հիմնված և հատուկ հարաբերություններ ունեցող բարեկամ երկրներ են»:

Նա նաև հայտարարել է, որ որոշում է կայացրել ուսումնասիրել Թուրքիայի հետ գործող «Փոխադարձ ներդրումների պահպանման և զարգացման» մասին համաձայնագիրը և դա որակել շատ արժեքավոր փաստաթուղթ:

«Պետական կառույցների միջև կնքվելիք 5 հուշագիրն էլ ավելի կարագացնի ներդրումներն ու 3-րդ երկրներում իրականացվող համատեղ ծրագրերը:

Թուրքիան Իսպանիայի համար առանցքային տնտեսական գործընկեր է և կարևոր խաղացող տարածաշրջանում: Իսպանիան և Թուրքիան երկու երկիր են, որոնք բոլոր ոլորտներում ունեն ամենահրաշալի հարաբերությունները»,-հավելել է նա:

Նշենք, որ Էրդողանն Իսպանիա իր այցը կամփոփի հունիսի 13-ին և հաջորդ օրը՝ հունիսի 14-ին կմեկնի Իտալիա: Նա Իսպանիա էր մեկնել հունիսի 12-ին:

Աղբյուր` dunya.com