Հունաստանի ԱԳ նախարար.«Ամեն հարցում չէ, որ Թուրքիայի հետ համաձայնություն ենք ձեռք բերում, միամիտ չենք»

Քաղաքական11:23, 03 Հուլիս 2024

Հունաստանի ԱԳ նախարար.«Ամեն հարցում չէ, որ Թուրքիայի հետ համաձայնություն ենք ձեռք բերում, միամիտ չենք»

Հունաստանի արտգործնախարար Յորղոս Գերապետրիտիսը «Աշխարհաքաղաքական պատերազմ. Որո՞նք են կայուն խաղաղության նախադրյալները» պանելային քննարկման ընթացքում անդրադարձել է նաև թուրք-հունական հարաբերություններին։

Գերապետրիտիսը նշել է, որ Հունաստանի համար Թուրքիայի հետ երկխոսությունը «հայրենասիրական ծառայություն»է։

Արտգործնախարարը մասնավորապես հայտարարել է. «Ինչպես գիտեք՝ մենք ամեն հարցում չէ, որ Թուրքիայի հետ համաձայնություն ենք ձեռք բերում։ Միամիտ չենք։ Մեր պարտքն է ապագա սերունդների համար ստեղծել պայմաններ, որոնք կնվազեցնեն լարվածությունը, ճանապարհ կհարթեն երկխոսության, դիվանագիտության և ժողովրդավարության համար։ Առանց ուռճացված պնդումների մեջ ընկնելու քայլ առ քայլ դա ենք անում։ Դրական լավ օրակարգ ենք ստեղծել»։

«Ինչպես տեսնում եք Մերձավոր Արևելքում վթարները կարող են ունենալ աղետալի հետևանքներ ինչը մենք չենք ցանկանում»,- նշել է հույն արտգործնախարարը։

Աղբյուր` trthaber.com