Ալթուն. «Նրանց նպատակն առանց Էրդողան Թուրքիա ստեղծելն էր»

Քաղաքական14:49, 16 Հուլիս 2024

Ալթուն. «Նրանց նպատակն առանց Էրդողան Թուրքիա ստեղծելն էր»

Թուրքիայի նախագահականի հանրային կապերի վարչության ղեկավար Ֆահրեթթին Ալթունն անդրադարձել է 2016-ի հուլիսի 15-ին տեղի ունեցած ռազմական հեղաշրջման փորձին:

Մասնավորապես թուրքական պետական «TRT Haber» հեռուստաալիքի համակարգող Մյուջահիդ Էքրիի հարցերին պատասխանելիս՝ խոսել է հեղաշրրջման փորձի նպատակների մասին:

«Նպատակն առանց Էրդողանի (նախագահ-խմբ.) Թուրքիա ստեղծելն էր: Դա հարձակում էր ուղղված երկրի անկախությանը, ապագային և գոյատևմանը»,-ասել է նա:

Նշենք, որ հուլիսի 15-ին Թուրքիայում հեղաշրջման փորձ էր կատարվել, որը ճնշվել էր ժողովրդի դիմադրության օգնությամբ: Այդ պայքարը Թուրքիայում իշխանության և մամուլի կողմից անվանվել էր ժողովրդավարության և ազատության հաղթանակ ընդդեմ ահաբեկչության:

Բնակչությունն առաջինը դիմադրությունը ցույց էր տվել հենց Քահրամանքազանի վերանվանված Քազան շրջանում, որտեղ գտնվում էր հայտնի Աքընջը ռազմաօդային բազան: Շուրջ 8 հազար քաղաքացի գրոհել էր ռազմաբազան՝ F-16 կործանիչները թռիչքը խոչընդոտելու համար: Միայն ռազմաբազայում սպանվել էր 7, իսկ շրջանում 10 քաղաքացի, 59-ը վիրավորվել էր:

Աղբյուր` trthaber.com