Թուրքիայի և Իսրայելի փոխադարձ մեղադրանքները միմյանց

Քաղաքական10:21, 22 Հուլիս 2024

Թուրքիայի և Իսրայելի փոխադարձ մեղադրանքները միմյանց

Իսրայելի արտգործնախարար Իսրայել Կացը X-ի (Twitter) իր էջում կատարած գրառմամբ Թուրքիայի նախագահ Ռեջեփ Թայիփ Էրդողանին մեղադրել է Պաղեստինի Գազայի հատվածում իշխող «ՀԱՄԱՍ» խմբավորմանը զենք-զինամթերք և գումար տրամադրելու մեջ:

«Էրդողանը իսրայելցիներին սպանելու համար ՀԱՄԱՍ-ի ահաբեկչական դրսևորումներին զենքի և փողի տեսքով օգնություն է տրամադրում: Իսրայելի ներքին անվտանգության ծառայությունը՝ Shin Bet-ը, առգրավել է Zeit համալսարանի ուսանող, ՀԱՄԱՍ ահաբեկչական բջջի տարրերին: Խնդրո առարկա տարրը Թուրքիայում գտնվող ՀԱՄԱՍ-ի շտաբի կողմից էր կառավարվում:

Ձերբակալված ահաբեկիչները նախագծում էին իրենց ձեռքբերած ռազմական կրթության, զենքի և հազարավոր դոլարների միջոցով Իսրայելում ահաբեկչական հարձակում իրականացնել:

Էրդողանը հանուն ռադիկալ և հակասեմական գաղափարախոսության Թուրքիան վերածել է ահաբեկչությանն աջակցող մի պետության և այն մոտեցնում է Իրանի գլխավոր չարիքի առանցքին»:

Ի պատասխան այս գրառման՝ Թուրքիայի արտգործնախարարությունը սոցցացնում գրավոր հայտարարություն է տարածել, որտեղ մսնավորապես նշվում է. «Իսրայել Կացը մի շարք ստերի, զրպարտության ու անարգանքների միջոցով փորձում է թաքցնել Իսրայելի կողմից պաղեստինիցիների նկատմամբ իրականացված հանցանքները։ Իշխանության մեջ մնալու նպատակով շուրջ 41.000 պաղեստինցի սպանած և տարածաշրջանում պատերազմ սկսել ցանկացող Նեթանյահույի կառավարության անդամները դատապարտվելու են միջազգային դատարաններում և պատասխան են տալու՝ իրենց կատարած հանցագործությունների համար»:

Վերջում շեշտվում է, որ Իսրայելի քարոզչությունն ու հոգեբանական գործողությունների փորձերն անարդյունք են մնալու։

Աղբյուր` trthaber.com