Թուրքիայի իշխող կուսակցությունն իր տեղը զիջում է գլխավոր ընդդիմադիր ուժին

Քաղաքական09:06, 30 Հուլիս 2024

Թուրքիայի իշխող կուսակցությունն իր տեղը զիջում է գլխավոր ընդդիմադիր ուժին

Թուրքական «HBS» հետազոտական ընկերությունը հրապարակել է «Թուրքիայի օրակարգային հետազոտությունը» վերնագրով սոցհարցման արդյունքները:

Սոցհարցումը միտված է եղել պարզելու Թուրքիայում գործող կուսակցությունների վերաբերյալ հանրության մոտ առկա վստահության մակարդակը:

Սոցհարցմանը մասնակցած 3.100 ընտրողի ուղղվել է «Եթե այս կիրակի ընտրություններ լինեն, ձեր ձայնը ո՞ր կուսակցությանը կտաք» հարցը:

Հարցվածների 30.8 տոկոսը պատասխանել է Թուրքիայում գլխավոր ընդդիմադիր ուժի՝ «Ժողովրդահանրապետական կուսակցության» (ԺՀԿ-CHP) օգտին, 29.3-ը՝ իշխող «Արդարություն և զագրացում կուսակցության» (ԱԶԿ-AKP), իսկ 10-ը՝ «Ազգայնական շարժում կուսակցության» (ԱՇԿ-MHP):

Եթե համեմատենք 2023-ի մայիսի 14-ին անցկացված ընտրությունների արդյունքների հետ, կստացվի, որ ԺՀԿ-ն բարելավել է իր դիրքերը 5 տոկոսով, իսկ ԱԶԿ-ն նահանջել 7 տոկոսով:

Նշենք, որ համապետական ընտրություններին ԺՀԿ-ի հավաքած ձայները կազմել էին 25.80 տոկոս, իսկ ԱԶԿ-ինը՝ 36.30 տոկոս:

Աղբյուր` gazeteduvar.com.tr