Ֆիդան. «Նեթանյահուն ԱՄՆ-ին գերի է վերցրել»

Քաղաքական09:08, 01 Օգոստոս 2024

Ֆիդան. «Նեթանյահուն ԱՄՆ-ին գերի է վերցրել»

Թուրքիայի արտգործնախարար Հաքան Ֆիդանը թուրքական «Kanal 7» և «Ülke TV» հեռուստաալիքների համատեղ եթերում խոսել է օրակարգային հարցերի շուրջ:

Ֆիդանը, անդրադառնալով Պաղեստինի Գազայի հատվածում իշխող «ՀԱՄԱՍ» խմբավորման առաջնորդի թեհրանյան սպանությանը, այն որակել է «ոճրագործություն» և նշել, որ նման քայլով Իսրայելը «ոճիրի է ենթարկել»նաև խաղաղությունը:

Այնհուհետև, զերծ մնալով տեղի ունեցածին ի պատասխան Իրանի կողմից իրականացվելիք քայլերի մեկնաբանությունից, նշել է. «Տեսնենք, թե Իրանի պատասխանն ինչպիսին է լինելու»:

Այս համատեքստում Իսրայել-ԱՄՆ հարաբերությունների վերաբերյալ հարցին ի պատասխան Ֆիդանն ասել է, որ Ամերիկան մշտապես քաջալերում է իսրայելական պետությանը, ինչը նաև ակնհայտ տեսանելի է եղել կոնգրեսականների կողմից Իսրայելի վարչապետ Բենյամին Նեթանյահուին ուղղված ծափողջույններից:

«Անկասկած, մշտապես քաջալերելու։ Իմ կարծիքով, Նեթանյահուն շատ լավ է հասկանում դա և ԱՄՆ-ին գերի է վերցրել: Եթե Լիբանանում պատերազմի գնա, ԱՄՆ-ն Նեթանյահույի հետևից պատերազմ մտնելուց բացի ոչ մի ճար չունի»:

Աղբյուր` Trthaber.com