Թուրք ընդդիմադիր գործիչը մեղադրել է Էրդողանին Ադրբեջանի հետ հարաբերությունները վնասելու մեջ

Քաղաքական16:59, 07 Օգոստոս 2024

Թուրք ընդդիմադիր գործիչը մեղադրել է Էրդողանին Ադրբեջանի հետ հարաբերությունները վնասելու մեջ

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) անդամ, դիվանագետ, Մեջլիսի na[kin պատգամավոր Օզթյուրք Յըլմազը X հարթակում կատարած գրառման մեջ մեղադրանքներ է հնչեցրել նախագահ Ռեջեփ Թայիփ Էրդողանի հասցեին։

Նա Էրդողանին մասնավորապես մեղադրել է թուրք-ադրբեջանական հարաբերություններին վնաս հասցնելու մեջ։

«Էրդողա՛ն, գիտեմ, որ գրածս դուրդ չի գալու։ Բայց թուրք-ադրբեջանական հարաբերությունների ապագայի հետ կապված քեզ զգուշացնում եմ։ Քո էգոն և հռետորաբանությունը լուրջ վնաս է հասցնում այդ հարաբերություններին։ «Այնպես, ինչպես Ղարաբաղ մտանք» ձևակերպումով նախադասություն հանկարծ այլևս չկազմես։ Դա ասելով՝ դու Ադրբեջանի հաղթանակը յուրացնում ես։ Դա մեծ անհանգստություն է առաջացնում մյուս կողմում։ Իհարկե, Թուրքիան օգնեց և պարտավոր էր օգնել։ Բայց այսպիսի բան չի կարելի ասել։ Ուզում ես ամեն ինչ կործանե՞լ»,- ասված է գրառման մեջ։

Աղբյուր` Ermenihaber.am